نفت زوجة مطرب المهرجانات عصام صاصا، طلبها خلوة شرعية بزوجها بعد حبسه، وذلك بعد الأخبار التي انتشرت مؤخرًا عبر مواقع التواصل الاجتماعي.
وقالت زوجة عصام صاصا: “مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته علشان نشوفه، فليه التحريف والكذب؟”.
زوجة عصام صاصا تفجر مفاجأة عن طلبها خلوة شرعية بزوجها بعد حبسه
وأضافت زوجة عصام صاصا: “دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس؟”
وتابعت: “أنا أخدت إجراء ضد أكتر من أكونت بيسوأ في سمعتي وبيشهر بيا، وده حقي ومش مسموح حد يسيئ ليا ولجوزي، ومش هسمح حد يتكلم عليه ومش هسمح حد يغلط فيا أو يسوأ سمعتي.”
وعاقبت محكمة جنايات الجيزة، مطرب المهرجانات عصام صاصا، بالحبس 6 أشهر مع الشغل، في قضية اتهامه بدهس مواطن على الطريق الدائري في الطالبية، وقيادته سيارته الملاكي تحت تأثير المواد المخدرة، إذ تضمن منطوق الحكم، انقضاء الدعوى الجنائية في دهس المواطن لتنازل أسرته عن حقها.
ودخلت جهاد أحمد زوجة عصام صاصا في نوبة من البكاء والصراخ بعد سماع الحكم على زوجها بالحبس، وظلت تردد أن زوجها برئ: «معملش حاجة ليه كده».
وكان ضباط مطار القاهرة الدولي، تسلموا مطرب المهرجانات عصام صاصا، بعد قدومه من دولة الإمارات، قبل جلسة محاكمته اليوم، في قضية دهس المواطن أحمد مفتاح، 42 عامًا، على الطريق الدائري بسيارته التي كان يقودها برعونة إذ كان تحت تأثير المخدر.
اقرأ ايضا:
