أعلنت المطربة شيرين عبد الوهاب، أن النجمة ياسمين عبد العزيز تعرضت للسحر الأسود خلال الفترة الماضية، وذلك خلال لقائها ببرنامج “بيج تايم بودكاست” الذي يقدمه عمرو أديب وأصالة بقناة “إم بي سي 1.
وقالت شيرين عبد الوهاب: وحبيبة قلبي ياسمين عبد العزيز كانت داخلة في كومة وكانت هتموت وكان معمول لها سحر أسود، وفيه ناس مؤذية كتير واحنا بنتأذي جامد.
وتابعت: وأنا لا رُحت فكيت السحر ولا رُحت لحد أنا ما عملتش غير إن قراءة سورة البقرة، ودي الشفاء، والقرين سورة ق، وكيس السحر الأسود حطيته في مياه بملح علشان تفك السحر.
ومن الجانب الآخر قالت الفنانة شيرين عبد الوهاب: “ما كانش عندي رغبة في الحياة إني أكمل ومريت بظروف صعبة كل الناس عارفاها كانت عاملة ليَّ عدم توازن شامل، وكنت ناسية إن عندي بنتين، وما كنتش عارفة أسيبهم لمين ولا لإيه، فالحب دا اللي وقفني على رجلي تاني ومفيش فنان ما بيتعرضش لوقعات في حياته”.
وأضافت: “المرة الأخيرة اللي وقعت فيها كنت حاسة إن العين خلتني أخاف أغني وزعلي كله دلوقتِ بيجي على صوتي وكنت أجرب أغني ما أعرفش أغني، وصوتي راح تمامًا وما كنتش أعرف أغني جملة واحدة على بعضها مظبوطة وكانت عين قوية
