بكت الفنانة سحر رامي على الهواء أثناء حديثها عن زوجها الفنان الراحل حسين الإمام، واسترجاع ذكرياتها معه.
ولم تتمالك ا نفسها خلال لقائها في برنامج “مساء dmc” وحديثها عن النجم المصري واستعادة ذكرياتها معه، إذ قالت: “لما بفتكره مبيجيش على بالي أي حاجة وحشه، يمكن مكنش فيه، أكيد كان في لحظات بنتعصب، بس دايماً بفتكر الحلو”.
وروت سحر قصة تعارفهما موضحةً: “حسين اتعرف عليا في إعلان (الشراشيب) وهو كان بيقوم بالتعليق الصوتي على بعض الإعلانات وأول إعلان عملته كان عن السجاد وكان بصوته، ونجح نجاح كبير”.
وأضافت: “حسين الإمام شاف الإعلان في التلفزيون وقال أنا هتجوز البت دي، وبعدها كنت بقدم مسرحية “وجيه” هو ووالده المخرج الكبير حسن الإمام واتقابلنا هناك وسلّم عليا، بعدها قدمت الفوازير مع سمير غانم وجالي في الكواليس وسألني أن كنت فاكراه وحكالي على فرقة (طيبة) وأنا مكنتش عارفاها بس قولت له أني عرفاها وطلب مني أني اشتغل معاهم وأخد تليفوني وتقاربنا بس مشتغلتش معاه، كنت ماضية عقد وفضلت طول السنين أقوله مش هتنفذه؟”.
