عندما نرى صورة جديدة للنجمة نادية الجندي نسأل أنفسنا السؤال المعتاد، هل هذه المرأة لا تكبر ابدا؟كيف تحافظ علىعلى شبابها بعدما تخطت ال80 سنة،تابعونا لمعرفة الأسرار:
الحقيقة ان نادية الجندي عندها هاجس مخوفها وهو انها تكبر ويبان عليها الكب وملامح الشيخوخة ومش قادرة تصدق انها خلاص 83 سنة يعني عجزت ، ولسة عايشة في جو الشباب بقى وامرأة هزت عرش مصر بشبابها وجمالها ، لكن الحقيقة هي ان العمر بيعدي وكلنا هنكبر ومش هنقدر نهرب من الواقع ، وده اللي هش مش عايزة تقتنع بيه.
في الكام سنة الأخيرة مبقناش نشوف نادية الجندي في اعمال فنية على الشاشة ، لكن هي اكتفت بس انها تفرجنا كل فترة جلسة تصوير جديدة تخلينا نتجنن هي ازاي عاملة كدا وعندها 83 سنة.
طبعا ده ذكاء من الفنانة ، ليه بقى ؟ انا اقولك ليه كل جلسات تصوير نادية الجندي ملعوب فيها فوتوشوب لما قايلين بس ، ولو مش شايف ده يبقى عندك مشكلة .
ركز كدا في كل الصور اللي بتنشرها كل فترة، ده شكل وجسم واحدة عندها 83 سنة ؟ مؤكد لأ.
المصور طبعا بيشتغل على الصور كتير جدا بالفوتوشوب عشان يخفي كل الترهلات اللي في الجلد والتجاعيد ، وللاسف ده باين جدا في الصور بشكل يخليك تضحك على ان المصور عدت عليه بسهولة كدا.
في كل صور نادية الجندي هتلاقي الفوتوشوب واضح اوي في وشها اللي قرب يخفي ملامحها اساسا ، وكمان في ايديها، لدرجة انك هتحس انك بتتفرج على صور كارتون مش صور انسانة بجد.
مش طبيعي يكون واحدة سنها 83 سنة ومعندهاش اي تجاعيد في وشها ولا ترهلات في جسمها يا مدام نادية .. مش منطقي والجمهور قافش الموضوع اوي بس بنتفرج واحنا ساكتين وكفاية علينا انها بتقدر تستمع بحياتها رغم سنها ودي حاجة تحسبلها.
اكيد ورا كل الصور دي مصور بقى واخد الست تشطيب ومحارة ، وبيظبطلها صور بالشكل ده وبتعجبها وقررت تتعامل معاه على طول بقالها كام سنة.
نادية مش بتتصور وخلاص، لأ لما بتقرر تعمل سيشن جديد لازم تختار مكان فاضي مفهوش ناس عشان تعرف تحتفظ باللوك اللي هتظهر بيه في الصور.
وفي مرة راحت نادية الجندي تعمل سيشن في مكان فيه ناس كتير، والمعجبين اتلموا حوليها عشان يتصوروا معاها، وطبعا كانت مشكلة لأنهم كلهم هينزلوا صورهم مع النجمة، وكدا حرقولها اللوك والسيشن اللي هي اصلا رايحة تعمله.
وطبعا نادية الجندي بتختار اللبس و المكان اللي هتتصور فيه، وبتشوف كلللل الصور اللي خدها المصور وهي اللي بتختار ايه اللي ينزل على السوشيال ميديا، وطبعا بتطلب من المصور انه يظبطلها الصور بالفوتوشوب بالشكل اللي بنشوفه.
وبعيد عن قصة الفوتوشوب دي ، إلا أن مدام نادية الجندي فعلاً بتحاول تحفاظ على صحتها ولياقتها، وعندها اسلوب حياة بتتبعه عشان تفضل صحتها كويسة ، اهمها انها بتمارس الرياضة باستمرار حتى بعد ماعدت التمانين.
كمان نادية الجندي قالت قبل كدا انها مش بتدخن ولا بتشرب كحوليات عشان الحاجات دي بتضر البشرة ، وكمان مش بتحب السهر عشان وشها ميتأثرش.
تخيل ان نادية الجندي قالت من كام شهر بس انها لسة عايزة تتجوز ؟ وكمان عندها مواصفات لشريك حياتها ؟ طبعا ده كان تريند اكتر من صورها اللي بالفوتوشوب.
قالت مدام نادية انها عايزة راجل ابن حلال ويكون حنين عشان دي صفة مهمة بالنسبالها ، وييعرف قيمتها و يحسسها بالامان ويكون ليها سند وضهر .. دي المواصفات اللي لسة نادية الجندي بتدور عليها وهي ماشية في ال84 .. ربنا يسعدك ويديكي الصحة يا مدام نادية.
