لا يوجد شك إن المطربة شيرين عبد الوهاب خسرت كثير خلال الفترة الماضية، الجمهور يريد أن يسمع أغانيها ولا يعيش مشاكلها الخاصة، مثل ما حدث خلال الفترة الماضية مرة مع زوجها حسام حبيب، ومرة مع اخوها محمد وخلافها مع امها، ومرة ثالثة عندما ظهرت بشكل غير لائق في لبنان، وهي ترقص على الترابيزة التي كانت تجلس عليها.
لكن خلال الساعات اللي فاتت شيرين تلقت صدمة جديدة من اللبنانيين، شيرين لما راحت لبنان قابلت المطرب الكبير فضل شاكر بدون علم اجهزة الأمن.
وده خلى السلطات تاخد موقف منها، لانها لو تعرضت لمكروه كانت هتحصل مشكلة كبيرة بين بلدين، المهم الموضوع ده عدى بسلام، بعد احتجازها للتحقيق معها هي وجوزها بعدها افرجوا عنها.
لكن وهي في لبنان كانت اتفقت على إقامة حفل غنائي لها، وفجاة تم تحديده والغائه، لما اتلغى حفل شيرين حصل كلام كتير حولين الحفل ده بالذات.
كانت هتعمله في يوم الحب يوم 10 فبراير اللي جاي، ودي المناسبة الأشهر في لبنان، بيحتفل بيها كل اللبنانيين على نغمات اغاني كبار المطربين.
وبإلغاء حفل شيرين في لبنان رجعت تاني المطربة المثيرة للجدل لتتصدر محركات البحث جوجل الوطن العربي، في أخبار اتنشرت في الموضوع ده بتقول ان الخفل اتلغى بسبب خلاف بين المطربة والجهة المنظمة للحفل.
بسبب تسرع الشركة في الإعلان عنه، من غير ما ينسقوا معاها او يحددوا ميعاد الحفل، وده طبعا مستبعد لان منظم الحفل بيحدد الميعاد بناء على جدول اعمال المطرب او المطربة.
وفي أخبار تاتية بتقول إن الشركة اعلنت عن الحفل بدون ما تاخد موافقة أمنية من السلطات اللبنانية، وده ناس كتير بترجحه خاصة في ظل التوترات اللي بتعم لبنان في الوقت الحالي.
كمان الصحف اللبتاتية كان لها رأي تالت قالت فيه إن سبب إلغاء حفل شيرين، هو الخلاف بينها وبين الشركة المنظمة على الامور المادية وبعض بنود العقد اللي اعترضت عليها شيرين.
ولحد دلوقتي مفيش أي أخبار عن إقامة شيرين لحفلها اللي كان مقرر له الايام اللي فاتت، شيرين عملت حفل الكويت بعد سلسلة ازماتها الشهيرة، وهناك حصلت مواقف غير لائقة عرضتها للإحراج.
لكن الإحراج الاكبر كان لجوزها الملحن حسام حبيب اللي تعرض للإهانة من جمهور شيرين، الإحراج حصل لما سألت شيرين الجمهور على المسرح “بتحبوا حسام ولا لاء؟”، فرد الجمهور وقال مش عاوزبنه مش عاوزينه.
كمان حفل الكويت اتعمل بشروط كتيرة لاول مرة يتم تنفيذها، منها إلغاء الرقص والتدخين، وعدم الرجوع للحفل بعد الخروج منه وكمان شرط السن.
ومن الكويت طلعت شيرين على لبنان هي وبناتها الاتنين وحسام حبيب، وهناك كانت سهرانة مع عدد من أصدقائها في كباريه وقدامها انواع كتيرة من المشروبات.
ومن شدة انسجامها قامت ورقصت لحسام على الترابيزة، وده اللي زعل منها بنتها الكبيرة اللي كانت قاعدة جمب حسام، كمان الفيديو ده اظهر شيرين بشكل غير لائق بها عرضها للإنتقادات الشخصية بسبب تصرفها المهين.
وخلى اخوها محمد يطلع يقول معرفهاش ولا هعترف بها تاني لو استمرت في تصرفاتها غير المسؤولة اللي زي دي، كمان لما راحت شيرين لبنان وقعدت هناك لمدة شهر كامل.. بعض الناس قالوا إنها بتفكر تعيش في لبنان.
لكن ده كان مجرد تخمين لان شيرين عاوزة تعيش على حريتها، وهناك طبعا الحرية كاملة، لكن الظروف دلوقتي اصبحت غير مناسبة بسبب التوترات اللي بتمر بها لبنان.
“شيرين” اللي هي “سمراء الجمل”، وده إسمها قبل الشهرة، صوتها حلو وأغانيها جميلة، لكن ضيعت نفسها بتصرفاتها، وده اللي اجبر كل النقاد ينتقدوها ويطالبوا بعلاجها من اللي هي فيه.
كمان طمعت الناس كلها فيها، وده اللى خلى أقرب الناس ليها امها واخوها يقاطعوها للسبب ده، .الخبير القانوني حسام لطفي محامي الفنانة شيرين عبد الوهاب في تصريحات له قال إن شيرين رجعت مصر خلال الساعات اللي فاتت
وده معناه عدم صحة الاخبار اللي ترددت عن نيتها لانتقال للإقامة في بيروت، وحاليا بتستعد الفنانة لمواصلة نشاطها الفني، وتسجيل أغاني جديدة بعد رجوعها من بيروت.
وعن النزاع مع شركة روتانا قال الدكتور حسام لطفي إن في جلسة في المحكمة الإقتصادية، يوم 18 فبراير اللي جاي، بعد تصحيح شكل الدعوى، لمخاطبة إدارة الشركة المنفذة لآلبومات الفنانة و مقرها خارج مصر، وكمان ضد الشركة المصرية اللي نشرت على مواقع التواصل، بعض الأغاني بدون موافقة شيرين عبد الوهاب.
