نورا السباعي.. شاكيرا مصر، التي كانت نجمعة في معظم أفلات اللفينيات وكانت تظهر ولو بمشهد واحد، ولكن فجأة اختفت تمام فأين هي الآن؟ تابعونا لمعرفة التفاصيل من خلال هذا التقرير:
أين ذهبت شاكيرا مصر؟
نورا السباعي كومبارس عرفت طريق الشهرة عن طريق التمثيل، بس الحقيقة مش التمثيل هو اللي شهرها، بس وزنها الزيادة اللي خلاها مطلوبة، وكانت بتيجي في كل مسلسل أو فيلم تعمل نفس الدور تقريبا.
ست تخينة بائسة يائسة تظهر مع فنانين رجالة يتريقوا عليها وعلى وزنها والجمهور يضحك والسبوبة ماشية وتمام لغاية ما خدت أصعب قرار في حياتها تخس تبقى نورا السباعي واحدة تانية خالص
أعمال نورا السباعي قبل التخسيس
نورا اللي سموها “شاكيرا مصر” عشان ظهرت في فيلم “أبو العربي” وهي بترقص على طريقة شاكيرا عملت ريجيم قاسي جدا وخست أكتر من 75 كيلو وبدل ما ترجع وتشتغل وتمثل بقى وموهبتها تظهر اختفت بعدها تماما.
الغريبة إنه بعد أكتر من 10 سنين في المجال الفني اسم نورا السباعي محفرش لنفسه مكان مميز يعني اللي يعرف إنها شاركت في مسلسل وأفلام كتير جدا زي الباشا تلميذ ولا خليك في حالك ولا أمير البحار ميتوقعش إنها تختفي خالص كده يعني.
رشاقة نورا السباعي كانت غريبة الجمهور مصدقش نفسه لما شافها وهي متغيرة أوي كده كانت ساعتها بتشتغل مذيعة وبتطلع بقى في إعلانات الدايت وأدوية التخسيس وحاجات شبه دي.
قبل ما تخس شاركت نورا السباعي في مسلسل “رمضان مبروك أبو العلمين” وبعدها جالها اكتئاب وقررت تخس لو حصل ايه ولإن الموضوع ده كان صعب عليها جدا عملت نظام خاص بيها.
ريجيم نورا السباعي وسر اختفاءها
وقالت إنها عشان تخس بانتظام لجأت لتنظيم عدد الوجبات اللي بتاكلها وأحيانا كانت بتاكل وجبة واحدة في اليوم وتقعد بقى تحسب في الجرامات وتاكل خضار وفاكهة بس واتحرمت من الرز واللحمة
من كتر اليأس كانت بتقعد نورا السباعي أيام كتير من غير أكل.. ممكن توصل لـ 30 ساعة مثلا وعشان تخس أسرع.. عملت تمارين رياضية وتدريبات المهم إنها متوصلش لدرجة عمليات التكميم والحاجات دي.
بس للأسف كل المجهود ده راح في الأرض نورا كانت فاكرة إنها هتنجح بخفة دمها وكده لكن بعد ما بقت شبه مي عز الدين محدش بقى بيعرض عليها أدوار.
فا خدتها من الآخر واتجوزت ودي الفايدة الوحيدة للخسسان يا بنات وسافرت بره مصر مع جوزها وخلفت وقعدت في البيت تربي العيال فا طنشت الفن تماما وقالت طالما كده كده نسيوني أبعد بقى وأشوف حياتي.
