أصالة من الفنانت التي تغيرت ملامحها كثير، بسبب خضوعها للعديد من عمليات التجميل، حتى أنه منذ أيام انتشرت صورة لها مع ابنتها شام، وبدت في الصورة أصغر من ابنتها فما رحلتها مع هذا التغير الكبير؟
وكل ما نفتكر أصالة وهي لسه جاية مصر جديد كانت مميزة بكل تفاصيلها بس عمليات التجميل المستمرة خليتها شبه ممثلات كتير بعض النظر عما مين بس هي ما بقيتش فعلا أصالة بتاعة زمان، وفي التقرير هنعرفتطور ملامح أصالة من 30 سنة لغاية دلوقتي ونتكلم عن شكلها الطبيعي وشكلها دلوقتي ونشوف هي غيرت إيه بالظبط وايه هي الصور اللي نفسها محدش يشوفها.
أصالة قديمًا وحديثًا
الفنانة أصالة مصنفة إنها من أكتر الفنانات التي تغير في شكلها من بداياتها وحتى الآن وذلك بسبب خضوعها لأكثر من عملية تجميل غيرت شكلها وأصبحت تتصدر محركات البحث والجمهور يقارن بين صورها القديمة وأي ظهور جديد لها وكان ليها تصريحات وصفت فيها نفسها إنها مهبولة على حالها.
أصالة وفوبيا الاهتمام بنفسها
ومع بداية شهرة أصالة بدأت تهتم إنها تكون أكتر جمال وإطلالاتها أحلى وأحلى مش بس في عمليات التجميل لأ ده كمان من ناحية طريقة ماكياجها وتسريحات شعرها، وقالت في تصريحات تلفزيونية سابقة وهي في كواليس الحلقة التالتة من برنامج سعودي أيدول: “مو معقولة شو حليانة، أنا مهبولة على حالي”، يعني الحكاية وما فيها إنها مهتمة بنفسها زيادة عن اللزوم.
وقالت إنها حابة شكلها الجديد ومبسوطة بيها وبتعتبر شكلها ده حاجة استثمارية وليه علاقة بشغلها ومكانتها يعني مينفعش تتخلى عن تاريخها كله في حفلة مثلًا ويطلع وشها تعبان.
وأكدت أصالة إنها بتحب تطلع بأحلى صورة، زي ما بشتغل على صوتها في بروفاتها عشان تطلع للجمهور بشكل كويس بتتمنى لآخر يوم في حياتها يكون شكلها موازي لصوتها وكل حاجة تكون تمام لدرجة إنها حابة تودع الجمهور زي ما يكون عمرها 25 سنة يعني ملهاش في الكرمشة ولا التجاعيد ولا الكلام ده.
أصالة والتجميل
وأصالة عملت تجميل في أنفها ونفخت شفايفها بالفيلر ووشها بالبوتوكس وغيرت في شكل حواجبها، وطورت في ماكياجها وتسريحات شعرها عشان تبقى متألقة وده اللي بيظهر في قصات شعرها ولوكاتها، ومرة فاجأت جمهورها بإطلالة جديدة لما اعتمدت الشعر البوي النحاسي وكان وشها منفوخ أكثر من قبل، يعني إطلالات أكتر عصرية وتطور وبتختار كل اللي يناسب نحافة خصرها ورشاقة جسمها.
صورها القديمة والإزعاج
وكانت أصالة اتسألت قبل كده عن صورها القديمة لما بتشوفها، وقالت إنها طبعًا بحب شكلها في الأول ودايمًا كانت بتحب شكلها بس كان عندها مشاكل فيه بسبب أخطاء طبية كتير وهي بتتمنى تكون صورتها من غير ولا غلطة على أد ما تقدر، وكملت بتقول: “الناس من حقهم علي أكون في أحلى صورة، وأنا بصلح نفسي عشان أحلل الفلوس اللي بيصرفوها عليا”، ودي طبعًا كانت مزحة مع الجمهور.
اكتبولنا في التعليقات عن وجهة نظركم في شكل أصالة زمان ودلوقتي والفرق اللي حصل ده كان في صالحها ولا وهي زمان على طبيعتها أحلى؟.
