الوسط الفني ملئ بالأسرار خاصة في العلاقة التي بتربط الفنانين الكبار مع بعض، فتجد العلاقة غير جيدة بين البعض منهم لأسباب مختلفة، وعندما نبحث عن علاقة فنانة ونجمة مثل منى زكي وزوجها الفنان أحمد حلمي بالفنان محمد رمضان نجد مفاجأة كبيرة! ما هي حكاية منى زكي وزوجها أحمد حلمي مع محمد رمضان، ولماذا أحرجته منى زكي ونشبت مشاجرة بين زوجها أحمد حلمي وبينه؟ هذا ما نتعرف عليه من خلال التالي:
في نجوم بيحبوا بعض أكيد وعلاقتهم بتبقى معروفة وفيها نوع من الكيميا بينهم لكن لما تكتشف ان في نجوم مش بيحبوا الفنان محمد رمضان فده بقى كتير ومتوقع في الوسط الفني لكن لما تعرف إن النجمة منى زكي وجوزها أحمد حلمي على راس القايمة دي فأكيد هتحاول تعرف السر إيه.
أول بداية حقيقية لمحمد رمضان كانت في فيلم “إحكي يا شهر زاد” واللي كان بطولة الفنانة منى زكي، ورمضان كان قايم في الفيلم ده بدور شاب شغال عند راجل مخلف 3 بنات، واستغل شغله مع الراجل وبدأ يلعب مع البنات التلاتة ويعشمهم بالجواز لحد ما بقى هو المسؤول عن الشغل كله.
البنات التلاتة بدأت كل واحدة تقول للتاني فعرفوا إنه بيلعب عليهم هما التلاتة فيتفقوا مع بعضيهم إنهم يريحوه من الدنيا، وفي الفيلم ده محمد رمضان حاول يقرب من النجمة “منى زكي” وكان كل ما يشوفها في اللوكيشن يقولها “أنا بحبك أوي يا أستاذة منى، وبحب أوي الأستاذ حلمي” وفضل يقولها الجملة دي أكتر من مرة لحد ماخد رقم أحمد حلمي منها، ولما اتصل به قاله “وصي علي الأستاذة مني يا أستاذ أحمد”.
محمد رمضان استمر يتصل بأحمد حلمي كتير، وفي مرة طلب منه يختاره في فيلمه الجديد وقتها، فده اللي خلى أحمد حلمي يتضايق منه فرد عليه حلمي قاله “خلاص يا محمد أنا وصيت عليك الاستاذة منى، وما تتصلش تاني لأني مش فاضي وقفل حلمي السكة معاه على كدة”.
بعد عرض فيلم “إحكي يا شهر زاد” ناس كتير أشادت بمحمد رمضان كممثل لدرجة إن في ناس كتير شبهته بأحمد زكي وده اللي خلى رمضان ميصدقش إنه عجب الجمهور في أول ظهور له، وفي العرض الخاص للفيلم راح رمضان فارد نفسه ولما شاف منى زكي حاول يبسوها زي اي نجم فكسفته منى زكي وقالت ليه العشم واخدك كدة، احنا مش صحاب يا محمد فكان في نص هدومه.
عدت سنين وراحت أيام وفي يوم “محمد رمضان” بعدما عمل الشهرة دي كلها كان حاضر عزاء واحد من الوسط الفني وشاف احمد حلمي فتعمد رمضان إنه يحرجه فسلم على كل الناس ماعدا حلمي.
في نفس الموقف رمضان حب يحرج حلمي أكتر فلقاه واقف مع مجموعة من الفنانين فراح وقف معاهم وقال له “عامل إيه يا حلمي؟”، فرد عليه أحمد وقاله “هو انت صاحبي إيه اللي موقفك معانا، روح أقف هناك”، والموضوع كان ميتطور بينهم وكانوا هيمسكوا في خناق بعض لولا الناس حاشتهم!
أخيراً.. عاوزين تعليقاتكم على الفيديو يا ترى رأيكم إيه في خناقة احمد حلمي مع محمد رمضان وليه منى زكي كسفته؟ وهل إنتوا شايفين إن أحمد حلمي ومني عندهم حق يعلموا كدة مع نمبر وان؟
