عاشت حياتها في تجسيد كثير من الأدوار لكن الفنانة عفاف شعيب الحاجة الوحيدة التي قالت إنها كانت فترة في حياتها وغير قادرة على محوها هي ظهورها بدون الحجاب، أسرار كثيرة سنكشفها عن عفاف شعيب من خلال التقرير التالي ونعرف سر انتقادها للفنانة فاتن حمامة فتابعونا:
الفنانة عفاف شعيب قدمت أدوار كتير في السينما والمسرح وكمان في الدراما، مش بس كده دي طلعت في أدوار في مسلسلات إسلامية، بس في حكايات كتير عملتها عفاف مش كتير من الناس يعرفها.
عفاف شعيب ترفض أدوار خارجة
عفاف شعيب قالت إنها اتعرض عليها أعمال كتير أوي وكانوا بيطلبوا منها إنها تقدم أدوار غير لائقة، مش بس كده دي المفروض إنها هتطلع في المشاهد دي بملابس النوم أو مايوه بس طبعا الفنانة عفاف شعيب رفضت بشدة المشاهد، مش بس كده دي قالت إنها مشاهد مرفوضة رفض تام بالنسبة لها.
المهم إن عفاف ضافت كمان إن المشاهد اللي ظهرت فيها من غير حجاب دي عادي بالنسبة لها لإنها كانت فترة من حياتها مش هتقدر تمسحها، بس من بعد ما لبست الحجاب وهي مقلعتهوش ولا ناوية إنها تخلعه أصلا.
فاتن حمامة في عيون عفاف شعيب
الفنانة عفاف شعيب لما طلعت في برنامج واتسألت عن رأيها في سيدة الشاشة الفنانة فاتن حمامة وإنها شايفة نفسها أفضل منها، فقالت إن فاتن طلعت في أدوار كتير ولبست مايوه.
مش بس كده دي كمان قالت إن فاتن كان ليها مشاهد خارجة اتحضنت واتباست فيها من الفنان عمر الشريف وده كان قبل ما يتجوزوا.
عفاف شعيب ترفض خلع الحجاب
عفاف كمان كملت كلامها وقالت إنه مستحيل إنها تخلع الحجاب عشان أي دور أو عمل ممكن يكون فيه مكاسب كتير أوي ليها، مش بس كده ده كان رأيها في فكرة إنها تلبس باروكة مخالف لكتير من الناس عشان كده قالت إنها مش ممكن تلبس باروكة في يوم من الأيام لإن هي مش محتاجة لده لا قبل ما تلبس الحجاب ولا حتى دلوقتي.
عرسان عفاف شعيب
عفاف شعيب موقفتش في مواقفها الكتير عند النقط دي وخلاص، دي كمان وضحت حاجات من حياتها الشخصية، وقالت إنها لحد دلوقتي لسه بيتقدملها عرسان وبيروحوا يتكلموا معاها إنهم عايزين يرتبطوا بيها ويكونوا معاها في حياتها.
مش بس كده دي كمان قالت إنها بترفض الناس دي عشان هي مش هينفع إنها تتجوز وهي في السن ده، المهم إن رفضها ده عشان هي تقدر إنها تعف نفسها عن العلاقات مع الرجالة.
الفنانة عفاف شعيب وضحت إنها أصلا في الوقت ده الونس الوحيد ليها هو ربنا، وإنها مش محتاجة راجل علشان تعف نفسي وإن ربنا هو اللي حاميها من كل شر.
قصة شاب في حياة عفاف شعيب
عفاف بقى حكت عن قصة غريبة أوي حصلت معاه وهي إن شاب أصغر منها بحوالي 20 سنة فضل حوالي سنتين يعاكسها ويبعتلها في رسايل، مش بس كده دي لما هي عملتله بلوك، عرف يوصلها وقالها يا ستي والله عايز أتجوزك وهتيجي تعيشي معايا في القصر بتاعي ودي صور القصر وهخليكي مش محتاجة حاجة، بس عفاف طبعا رفضت بشدة وقالتله يعني أتجوزك وانت أصغر مني بعشرين سنة، أنا كده كده مش هتجوز أصلا لا أنت ولا غيرك.
