المشاهد غير اللائقة لا يوافق عليها كل الممثلين، فالبعض يرفضها لانها لا تتناسب مع العادادت والتقاليد ، لكن الفنانة دوليي شاهين وافقت على هذه الأدوار ولكن الأهم من ذلك رايها في أن تقوم ابنتها بتأدية مثل هذه المشاهد، تابعونا لتعرفوا ماذا قالت؟
فنانة لبنانية أبوها لبناني ووالدتها من أصول برازيلية اشتهرت بفنها في لبنان، مش بس كده دي هي كمان عضو في نقابة الفنانين المحترفين، دوللي شاهين اشتهرت بعد ما ظهر الكليب بتاع أغنيتها مومو عيني واللي اتذاع في قناة ميلودي.
دوللي شاهين توافق على تمثيل ابنتها لمشاهد خارجة
دوللي شاهين تصدرت التريند من كام يوم بعد تصريحاتها الجريئة اللي قالتها في لقاء تلفزيوني لها عن الفن وأداء مشاهد غير لائقة، مش بس كده دي اتكلمت في حاجات كتير أوي مختلفة.
بس الأهم بقى ودي يعتبر الحاجة اللي الجمهور كله استغربلها إنها توافق إن بنتها تأدي الأدوار دي، اللي الناس تعرفه إن الفنان يعمل اللي هو عايزه عشان دي وجهة نظره، لكن انها تقول إن بنتها ممكن تعمل المشاهد دي ده اللي خلى الناس كلها تستغرب جرأة دوللي.
المهم إن دوللي قالت عن علاقتها ببنتها نور إنها مش زي علاقة أي أم ببنتها اللي هو اعملي كذا ومتمشيش مع فلانة ولازم تخلي بالك من اللي حوليكي والكلام ده، كمان قالت إن علاقتهم أكتر من أي اتنين أصدقاء يعني بالبلدي كده دي أقرب صديقة ليها في الدنيا كلها.
ولما الكلام جه عند نقطة المشاهد بقى الخارجة فدوللي قالت مفيش مشكلة إن بنتي أصلا تخش مجال الفن، ده كمان أنا هدعمها بقوة وهختار معاها الأدوار وهديها رأيي وهي اللي تقرر، مش بس كده دي كمان قالت إنها مفيش مشكلة إنها تقدم أدوار غير لائقة لأن ده شيء عادي.
دوللي شاهين تبرر تمثيل ابنتها لمشاهد خارجة
المبرر بقى بتاع دوللي في اللي هي قالته عن إن بنتها تمثل الأدوار الغير لائقة دي كان إنها نفسها ممكن تقدم الأدوار دي عادي جدا، مش بس كده دي قالت هو إيه المشكلة في المشاهد دي طالما انها بتضيف للفنان وفي السياق الدرامي، فعشان كده بردوا ايه المشكلة ان بنتها تعمل كده.
دوللي شاهين تدافع عن خالد يوسف
دوللي شاهين مسكتتش عند نقطة بنتها انها تقدم مشاهد غير لائقة، لأ دي راحت بقى تقول رأيها في المخرج خالد يوسف اللي أصلا خلاها تشارك في فيلم ويجا وتأدي دور من الأدوار دي مع الفنان هاني سلامة، المهم إن لما المذيعة سألتها في البرنامج التلفزيوني واللي هو القاهرة اليوم، قالتلها ايه العلاقة بينك وبين المخرج خالد يوسف؟، فدوللي قالت إن علاقتها بيه فيها كل الحب والاحترام لأنه ليه فضل علي وبحترمه جدا، كمان هو كان السبب في نجاحي في ويجا لأنه قدمني بشكل حلو أوي.
المهم إنها كمان انتقدت كل الناس اللي بتقول إن اللي تشتغل مع خالد يوسف لازم تقدم تنازلات، مش بس كده دي وضحت إن كل الوسط الفني بيقدم تنازلات لأنه كله تنازلات بس المهم إن في ناس بترضى تقدم التنازلات دي وفي ناس تاني لأ، وأنا الحمد لله لسه مقدمتش تنازلات لحد دلوقتي.
دوللي شاهين تتعرض للظلم بعد التعاون مع خالد يوسف
الفنانة اللبنانية دوللي شاهين قالت كمان إنها اتعرضت للظلم بعض نجاحها في فيلم ويجا اللي اتعاونت فيه مع المخرج خالد يوسف، مش بس كده دي قالت إن في ناس كتير من أصحابها وصحباتها نفسنه منها عشان النجاح ده.
