حل الفنان أحمد حلمي، الساعات الماضية، ضيفًا مع الإعلامي أنس بوخش، خلال برنامج Abs talk، والذي كشف فيه عن أسرار من حياته الخاصة لأول مرة.
وقال أحمد حلمي خلال اللقاء:”من أكثر اللحظات المؤثرة جدا في حياتي ولم أنساها لما أبويا ضربني بالقلم وكان عمره ما مد ايده عليا”.
سر صفع والد أحمد حلمي له بالقلم..
وقال حلمي: “خالي غاوي يربي حمام بأنواع غالية وبعدين روحت أنا وفتحت شباك الأوضة فالحمام طار، ومكنتش وقتها أعرف أن الحمام غالي ولا لأ، وبعدين خالي اشتكاني لأبويا كان خالي مخه صغير”.
وتابع: “فجاء أبويا شاف المنظر وسأل مين اللي عمل كده فكذبت وقلت أخويا خالد فهو مصدقنيش وضربني أنا لإنه عارف إني بكذب، وكانت المفارقة الرهيبة أن الحمام طلع بيرجع تاني يوم الصبح، وافتكر ان وقتها زعلت واتضايقت وعيط”.
وأضاف: “المفارقة الغريبة إن الحمام رجع فأنا ساعتها استغربت إني اتضربت، خالي كان مخه صغير، وتعلمت إن في حاجات مبتتنسيش”
وأكمل: ” لم أعش مع والدي مرحلة “الصحوبية”، لأنه توفى وأنا في أوائل المرحلة الجامعية، وأهلي كانوا في بنها وأنا بالقاهرة، وفي البداية كنا في السعودية، ومرضه كانت من اللحظات الصعبة، وفقدنا فلوسنا في شركات توظيف الأموال.”
واضاف:” أنا عمري ما عرفت أنا مين بحس أني تكويني كتلة من التناقضات كلها.. وسألت نفسي كتير مين أنا وموصلتش لحل.”
وعن طفولته، أوضح حلمي: “طفولتي لم تكن كما أحب وكان نفسي أكون بعرف لغات وأكون بسافر كتير وأنا صغير، وحبيت خالة صاحبي وأنا عندي 6 سنين وكانت ست كبيرة وفكرت ازاي أقوله، والواحد لما بيكبر كان نفسه يصغر.. وفي حاجات بتبقى عايز تعيدها تاني.”
ويعد آخر أعمال أحمد حلمي فيلم واحد تاني، وعرض الفيلم في عيد الفطر لعام 2022، وحقق العمل نجاحًا كبيرًا، وضم عددا كبيرا من النجوم أبرزهم: أحمد مالك، روبي، سيد رجب، نور إيهاب، وعدد آخر من الفنانين، وهو من تأليف هيثم دبور وإخراج محمد شاكر خضير.
اقرأ ايضا:
