كثير من الفنانيين يندموا إنهم قدموا مشاهد غير راضيين عنها في مشوارهم الفني، وفيه منهم أعلن بشكل صريح عن الندم ومنهم من اكتفى بإنه لا يحب مشهد معين.
لكن إن فنانينة تسعى إنها تحذف مشهد جرئ ليها وتحاول تدفع مبلغ كبير جدًا عشان تحذفه ده اللي محدش توقعه، لكن هو ده اللي عملته الفنانة فريدة سيف النصر.
المشهد ده اتقال إنه جرئ وكان مع الفنان عادل إمام، لكن إيه اللي خلاها مبتحبش المشهد ده وهل المشهد ده فعلًا فيه جرأة وإيه رد فعل ولادها عليه؟، ده اللي هتعرفوه وانتوا بتشوفوا معانا الفيديو ده.
هي فريدة سيف النصر ممثلة إغراء؟
ممكن فنانة تجسد مشهد ولا اتنين فيهم إغراء فيصنفها الجمهور إنها ممثلة إغراء والفنانة فريدة سيف النصر من الفنانات اللي ارتبط اسمهم في ذهن الجمهور بأدوار الإغراء أو خطافة الرجالة، وهي كمان قدمت أدوار المرأة اللعوب كتير في فترة التمانينات والتسعينات بس مشهدها مع عادل إمام بتعتبره الأكتر جرأة في مسيرتها الفنية لدرجة إنها اتمنت لو يتحذف نهائي والجمهور ميشوفهوش وميفكروهاش بيه.
كنا بنقفش في الفراخ
واعتبرت فريدة سيف النصر جملة “كنا بنقفش في الفراخ” اللي قالها عادل إمام في فيلم “الهلفوت” وصمة عار ليها، ورغم إن سنين كتير عدت على عرض الفيلم بس فريدة مش ناسية وقالت إنها غضبانة عشان الجمهور وصف المشهد بالجريء وتداولوه بشكل كبير، لدرجة إنها حاولت أكثر من مرة تحذفه بس مفيش فايدة بعرض مبلغ كبير جدًا لحذفه وبردوا كان الموضوع صعب ما إحنا في عصر السوشال ميديا وكله بقى على عينك يا تاجر.
شعورها إيه من المشهد ده؟
وواضح إن الموضوع مأثر أوي في فريدة سيف النصر وده لأنها بتشعر بحاجة غريبة وكإن جسمها بيسخن زي الفرن لما حد من رواد مواقع التواصل الاجتماعي بيشير الفيديو وهو كاتب عليه فيديو ساخن للفنانة فريدة سيف النصر، فالعناوين دي بتقلقها عشان كمان عندها ابنها وده بيأثر عليه تأثير سلبي زي ما قالت، بس ابنها محمد وقتها لما اتعرض الفيلم كان صغير لكنه بيحترمها بس بيتحرج من مشاهد زي دي خاصة إن واحد صاحبه لما شاف أعمالها قالها “ياطنط إنتي كنتي جامدة أوي”.
موقفها من القبلات
وكان في تصريح مثير للفنانة فريدة سيف النصر قالت إن في فنانين كتير بيعجبوها وكان نفسها تتباس منهم لكن الظروف اللي منعتها، بس كل واحد حر في نفسه ويعمل مشاهد قبلات براحته، لكن في قبلات مش حقيقة في المشاهد اللي اتقدمت زي غنهم يرموا ملاية على الكاميرا أو الموجة تضرب عشان المشهد يوصل صح لكن احتمال القبلة تكون في السياق الدرامي وكل مخرج ليه رؤيته ولما تتكلم عن فسها هي متباستش خالص ولا عملت أي حاجة من دي ولا ليها علاقة بالمشاهد اللي بيصنفها البعض “ساخنة”.
