الفنانة علا غانم تتصدر المشهد على السوشال ميديا بعد الحديث عن رحيلها ولكن النقابة نفت الخبر، هذا غير إن تصريحاتها عن طليقها جعلت الناس تلتفت إليها اصة بعدما قالت إنها غيرانة من مطرب المهرجانات حسن شاكوش .
وذلك عشان الناس مهتمة بيه ومش مهتمة بيها، عشان هي ست وهو راجل وزعلانة أوي عشان اللي حصلها من طليقها واتكلمت في تفاصيل تانية كتير عن اللي بينها وبين طليقها لدرجة إنها هتبدأ حياتها تاني من الصفر، وفي الفيديو ده هنقولكم الحكاية.
إيه العلاقة؟
العلاقة إيه بقى بين حوار حسن شاكوش وعلا غانم، ببساطة كده هي شايفة نفسها شبه مرات حسن شاكوش اللي اتطردت من بيتها ومخدتش حاجة وهي ماشية، بس يمكن وضع مرات حسن أحسن منها عشان هي لسه مصيرها متحددتش وكمان مش كل حاجة هي اللي عملتها في حاجات بتاعة حسن.
بس علا بقى اتضحك عليها واتطردت من بيتها ومبقاش حيلتها حاجة خالص، يعني يامولاي كما خلقتني، وعشان كده هي شافت الدنيا قامت ومقعدتش في حوار حسن شاكوش بس الموضوع جه عندها ومبقاش في اهتمام طبعًا ده من وجهة نظرها عشان زي ما الإعلام اتكلم عن حسن اتكلم عنها بس هي يمكن صعبان عليها نفسها حبتين وغيرانة عشان نجوميتها اتطفت شوية.
مفيش يأس
وعلا غانم رغم كلامها عن أزمة حسن شاكوش ومراته اللي اتطردت قالت إنها حصل فيها أكتر من كده ومحصلش معاها ضجّة زي اللي حصلت مع حسن يعني هو طرد مراته من شقتها وخد شبكتها، ولهف وصل أمانة طيب واللي اتسرق منها كل حاجاتها دي عادي وشقى عمرها يضيع عادي هو ده منطقي؟، بس أنا بقى ثقتي في ربنا والقضاء وقيادة بلدي اللي ملهاش حدود، وحسبي الله ونعم الوكيل في كل واحد ياخد شقى ست، عشان اللي أنا خلعته معاه ناس تاني عايشين جوه بيتي دلوقتي وبينهشوا في هدومي ودهبي وكل حاجة أنا في ناس غُرب جوه بيتي.
نقطة ومن أول السطر
ورغم كل اللي حصل علا غانم، راجعة تمثل تاني بس للأسف هتبدأ بفيلم ربنا يستر والناس تتقبله أساسًا عشان معظم الأعمال اللي بيتنحت منها جزء تاني مش بتنجح زي الأولاني وده اللي هيحصل في فيلم “حريم كريم” اللي عدى على عرضه سنين وسنين وهي كلها يومين وهتبدأ التصوير وبتقول في تصريحات ليها إنها هتعوض كل حاجة بعد أزمتها مع جوزها وقضية الخلع اللي رفعتها ضده وهتكون أحسن من الأول وتقف على رجليها من تاني ونقطة ومن أول السطر بس بردوا حقها هيرجع ومش هتسيبه.
مجتمع رجولي
الغريبة بقى إن علا غانم عندها اعتقاد إننا في مجتمع رجولي رغم كل القوانين اللي بتنصف الست وبتحفظلها حقوقها من الراجل، وقالت: “ببدأ حياتي من الصفر واللي وصلت له هوصل له تاني.. أنا واقفة على رجلي ومش ضعيفة والقوة دي اللي بيمدني بيها ربنا، وثقتي في إن ربنا إنه لا يمكن يخذلني عشان اتظلمت واتاخد مني كل حاجة أنا في مجتمع رجولي بحت والظاهر الوسايط مش بتمشي غير مع الرجالة والرجالة بتخدم بعض، يعني معقول ست هتنول حقوقها لأ.. أنت اللي تنول كل حاجة مش هي خلعتك! وجوزي وعدني لو سبته هياخد مني كل حاجة وهو ده اللي بيعمله”.
