حالة من الجدل الواسع أثارها الفنان هاني شاكر، بعد تصريحات مثيرة له عن الفنان محمد رمضان، خلال مقابله تلفزيونيه في برنامج الفصول الاربعه مع الاعلامي اللبناني علي ياسين والذي يعرض عبر فضائية الجديد اللبنانيه.
وقال هاني شاكر، أن محمد رمضان يرى نفسه نمبر وان وهو حر في حياته وإصبعه الذي يشير به لم يستفزني فهو يشير به لحاله.
“شايف نفسه”.. تصريح مفاجئ من هاني شاكر عن محمد رمضان
وتابع : “هو إصبعه على نفسه مش عليا أنا كل واحد حر في حاله وكل واحد شايف نفسه أحسن شخص في الكون يا أرض اتهدي ما عليكي قدي لكن أنا وقت النقابة ما كنتش راضي عن اللي هو بيعمله”.
وأختتم هاني شاكر حديثة قائلاً: “إحنا في مصر مش كل اللي ناجح بره ينفع نعمله عندنا لأن تقاليدنا مش بتسمح نعمل أي حاجه وخلاص، أنت ممكن تغني بس مش لازم تتعرى على المسرح ترقص بس بشكل لائق لكن مينفعش تعمل مشاهد فيها إيحاءات، وأنا قعدت معاه وقلت له يا محمد ما ينفعش كده ولازم نحافظ على تقاليد الشكل العام أنت بتغني هنا في مصر ولكن مكانش بيسمع الكلام”.
ومؤخرا شوق الفنان محمد رمضان جمهوره لمفاجأة يحضرها لهم وهي تواجده في رمضان 2025.
ونشر محمد رمضان فيديو تحدث فيه إلى جمهوره وقال: “كل سنة وأنتم طيبين وإن شاء الله تكون سنة جميلة عليكم وتكون كلها أخبار حلوة واحتفالات ونجاحات، وتشوفوا أسد أخيرا في 2025، وتشوفوني في كوتشيلا في أبريل، وفي مفاجأت كتير أهمها أنكم هتشوفوني في رمضان 2025”.
وأكمل محمد رمضان: “استنوني يوم 18 يناير في السعودية وحشوني الجمهور السعودي وأشوفكم على خير وبخير”.
اقرأ ايضا:
