حلت الفنانة هنا الزاهد، الساعات الماضية، ضيفة ببرنامج “الحكاية” الذي يقدمه الإعلامي عمرو أديب بقناة “إم بي سي مصر”.
وخلال اللقاء قالت هنا الزاهد: “أنا مش بعمل شعري خالص معظم الوقت مش بعمله وفي شغلي أغلب الوقت ببلبس بواريك لأني بخاف على شعري أوي إنه يبوظ أو يقع”.
هنا الزاهد تفجر مفاجأة عن شعرها الحقيقي
وتابعت :”شعري في الحقيقة كيرلي ولو طلعت بيه كيرلي مش هيبقى حلو هيبقى كارثة، وبشيل هم إني أروح البحر عشان بيبقى مش ألطف حاجة بيبقى عامل زي علي ربيع لما بينشف، وفهمي بيشوفه وبيحبه عادي.”
وخلال اللقاء قالت هنا الزاهد: “شهر العسل باظ وكان أوحش حاجة حصلتلي، ووصلت فيه لـ 47 كيلو وجالي حصاوي على المرارة وكنت تعبانة جدا، بس خلاص هو قضاء وقدر.”
وتابعت: “عشان أنت اخترت تكون ممثل لازم تستقبل كل اللي هيتقال عليك، بس أنا بصراحة بتأثر ولما بقرأ حاجة بتضايق عشان أنا إنسانة، ولما بلاقي كومنت وحش بتأثر جدا وبقول لـ أحمد”.
وأضافت: “وممكن أبعت للشخص برايفت أقوله ليه كتبت كده، ويقولولي أصل كنا عايزينك تردي علينا. ”
وخلال اللقاء قالت هنا الزاهد: “اكتشفت إن أحمد السعدني إيده تقيلة جدا لما ضربني بالقلم في مشهد البالونة بمسلسل ”سيب وأنا أسيب”.
وتابعت:”القلم نزل على مناخيري في المشهد، وقلت له: إنت وجعتلي مناخيري.. أنا عاملة فيها عملية واتضايقت منه بعد المشهد”.
وأكملت: “أحمد السعدني اعتذر لي، وقال لي أنا آسف عن القلم لإنه وجعني واتضايقت منه، فقلت له بالراحة.. قولي طيب ومتفاجئنيش جوة المشهد كدة”.
اقرأ ايضا:
