تصدر الفنان شريف دسوقي، مؤشرات التريند ، الساعات الماضية ، بعد طلبه العمل مع الفنان أحمد العوضي، في أعماله القادمة.
وكتب شريف دسوقي له بالكومنتات: «لو سمحت عايز أشتغل معاك».
شريف دسوقي يطلب العمل مع العوضي.. رد فعله فاجئ الجميع
من جانبه، رد أحمد العوضي على تعليق شريف دسوقي، قائلا: «الزميل الغالي على قلوبنا شريف الدسوقي، أنا مشفتش التعليق علي اللايف للأسف، وطلبك على رأسي يا شريف، أنا أتشرف بالشغل معاك يا حبيبي وأزيد بيك وأعلى بيك».
وأضاف «العوضي»: «وإن شاء الله هيجمعنا عمل في الوقت القريب، وأنا من معجبينك يا شريف ومن محبين دورك الجميل مع الزميلة الغالية نيللي كريم في مسلسل بـ 100 وش».
ليرد بعدها شريف دسوقي، عبر حسابه الرسمي على موقع التواصل الاجتماعي «فيس بوك»: «النجم الغالي اللي ساكن قلبي أقسم بالله، ماتتصورش فرحتي قد إيه إنك قدرتني ورديت عليا».
وأضاف: «وعلى فكرة أنا عمري ما طلبت من أي نجم إني أشتغل معاه الا انت، عارف ليه، عشان حبيت طبطبتك على قلوب الناس في المبادرة اللي عاملها عشان تكسبهم ويقدروا يعدوا الأيام الصعبة، ربنا يكرمك ويحميك ويصونك ويزيدك من نعيمه يا غالى وفي قلبي».
اقرأ ايضا:
