شنت الفنانة الشابة منة فضالي حملة على إحدى أصحاب محلات المجوهرات الكبرى والمشهورة داخل مصر، والذي يتعامل معه العديد من الفنانات المشهورين، وذلك من خلال “بوست” نشرته على صفحتها الشخصية بموقع التواصل الاجتماعي “فيسبوك”.
حيث أهدى صاحب المحل قطعة “فالصو” لوالدة منة فضالي على أساس أنها ألماظ، وفوجئت بأنها مزيفة عندما ذهبت لتضيقها عند مجوهراتي آخر، في حين أنها قامت بشراء ساعة على أساس أنها ألماظ واكتشفت أيضا أنها فضة.
ونشرت الفنانة الشابة منة فضالي صورا تحمل حقائب المحل الذي تتهمه بالنصب وعلقت قائلة:”لما واحد نعرفه سنين و تقريبا عشره عمر و بنعامله احسن معامله و تقريبا برضه مشافش مننا غير كل خير و احترام لما الاستاذ المحترم اللي مصر كلها بتشتري من عنده دهب والماظ بملايين و هو طول الوقت يقول انا ملك الالماظ والمجوهرات يعمل حركه رخيصه زي دي”.
وتابعت: “يجيب هديه ل أمي في عيد ميلادها من شهر تقريبا و هي يا حببتي علشان مشكتش في عمرها يتمنظر قدام الناس و يقولها انا جايبلك هديه غاليه اوي حافظي عليها و الست متبصش وراه و تنساها و ب الصدفه رايحه اديقها علي آد اديها يقولولي دي اكسسوار طب هو حد طلب منك تجيب حاجه يا عريان يا فهيم هو حد قالك هات ايه و متجبش ايه اللي بيشتري بيشتري و بيجيب قيمته”.
وأضافت:”الموضوع بالنسبالي مش ساعه الموضوع انت ليه بتتمنظر أصلا و انت مش قد حركه زي دي و اصلا عملتها معايا كتير خاتم قولتلي انه الماظ و طلع فضه و ساعه و طلعت فلصو و دلوقتي أمي انا مش مهم لكن ليه كده مش عيب عليك انت كان اكراملك متجبش اَي حاجه احسن من الحركه الواطية دي شكلك ايه و انت بتضحك علي الناس وليه المنظره اللي علي الفاضي دي “.
وحذرت متابعيها كاتبة:”يا جماعه نصيحه مني و عن تجربه اَي حد بيتعامل مع عريان فهيم يكشف كويس علي الذهب و الألماظ بتاعه و الساعات.. كمان ـنا بضحك بجد والله عيب عليك والله راجل زيك له تسمه يعمل كده حركه رخيصه ولازم تفهمو اني مش بتكلم في هديه لا بتكلم في حركه انا بيجيلي كروت هدايا بتكون علي راسي كفايه انهم فكرو فيا لكن مليونير و جواهرجي و جو يا خواجه وجو للمنظره الكذابه ده لا يا عريان باشا فهيم مش كل الناس أغبيه”.
