طلتها جميلة ووجهها مقبول للجمهور الفنانة شيرين الطحان دخلت الفن ورحلت عن العالم خلال الساعات الماضية، لكن يا ترى ما السر في أن المخرج سامح عبد العزيز كان بيروحلها الكرفان الخاص بها؟،وسر غضب روبي منها في تصوير مسلسل رمضان كريم؟، كل ده وأكتر هنعرفه في التقرير التالي:
مكنتش عايزة أصلا تكون ممثلة بس أهو الصدفة ممكن تخلى أي حد ميكونش معروف ويبقى أكتر حد شهير في الدنيا، الفنانة شيرين الطحان واحدة من صاحبات الوجه المقبول لدى الجمهور، وده عشان هي أول ما ظهرت في برنامج من البرامج التلفزيونية على قناة النيل للمنوعات.
بداية ظهور شيرين الطحان وحب الجمهور لها
شيرين الطحان ظهرت أول مرة في برنامج تلفزيوني كان بيتذاع على قناة النيل للمنوعات، وبدأ الجمهور يتعلق بها ويحبها ويتابعها متابعة دايمة، من هنا بدأ المخرجين إنهم يشوفوا إن واحدة زي دي عندها القبول ده عند الجمهور وبتقدم برامج مينفعش.
المهم جوزها أحمد يسري بقى لما شاف زوجته عندها الحضور الكبير ده عند الجمهور راح واخدها وبدأ يحطها على طريق المجد والشهرة.
بداية اشتراك شيرين الطحان في التمثيل
كمان المخرج أحمد يسري مش بس حطها على أول الطريق دي يعتبر مثلت قدام شخصية من عائلة سليم اللي الناس كلها عارفها ببراعتها في التمثيل ومجالات كتير، المهم إن الفنانة شيرين الطحان شاركت مع الفنان هشام سليم في فيلم 45 يوم.
وجوزها المخرج أحمد يسري كان مدخلها الفيلم ده عشان تبقى دي أول فرصة لها في التمثيل وتبدأ في الشهرة والسير في طريق المجد.
شيرين الطحان تشارك مع يوسف الشريف
شيرين موقفتش عند البداية والدخلة في عالم الفن عند فيلم 45 يوم مع الفنان هشام سليم، دي شاركت مع فنان بردوا مبيظهرش كتير على الشاشات بس لما بيظهر بيعمل ضجة جامدة وهو الفنان يوسف الشريف وده كان في مسلسل رقم مجهول سنة 2012، مش بس كده دي كمان شاركت مع نفس الفنان بردوا في مسلسل اسم مؤقت سنة 2013.
كمان شيرين شاركت بقى في أعمال بعد كده مع فنانين مختلفين زي مثلا لما شاركت مع الفنان محمود عبد المغني في مسلسل الركين سنة 2013، وفي 2014 دخلت مع كوكبة من ألمع نجوم الفن في الوقت ده في مسلسل سبع وصايا اللي كان فيه رانيا يوسف، وهيثم أحمد زكي وصبري فواز وغيرهم كتير.
خلاف شيرين الطحان مع روبي
وقفت شيرين الطحان شوية عن التمثيل كانت فترة استمرت حوالي 3 سنين ورجعت بس المرة دي رجعت على مسلسل رمضان كريم، مش ده الموضوع أو الفكرة بس الموضوع كله لما ظهرت مع المخرج سامح عبد العزيز اللي هو كان زوج الفنانة روبي اللي كانت هي كمان موجودة في المسلسل.
الغريب بقى في الموضوع إن المخرج سامح عبد العزيز لما شيرين كانت بتروح اللوكيشن كان بيروح يقعد معاها أو هي اللي تجيله، مش بس كده ده كمان كان بيروحلها الكرفان الخاص بها ويقعد معاها كتير .
زواج شيرين الطحان والمخرج سامح عبد العزيز
الحقيقة إن مفيش حد أكد الموضوع ده، وممكن كل ده يكون دن مجرد كلام، بس الأهم إن كتير من الجمهور أكدوا الكلام ده بإنه بيروحلها الكرفان بتاعها.
رحيل الفنانة شيرين الطحان
من كام ساعة كده أعلن كتير من الفنانين ونقابة الإعلاميين إن الفنانة شيرين الطحان توفيت بعد ما فضلت كتير جدا تعبانة وبتعاني من المرض.
