حقيقة ظهور مودة الأدهم في الساحل وخروجها من الحبس

ببوكية ورد وعربية ميئة بالدباديب، مودة الأدهم تسير فى الشارع، على حد قول جمهورها لا أحد مثلها ولا يهمها أحد، خرجت من العبس وعائدة إلى الفيديوهات الجريئة مرة أخرى.

إيه حقيقة الإفراج عن مودة الأدهم بعد قضائها نص المدة؟ وايه حقيقة ظهورها فى الساحل الأيام اللى فاتت؟ .. كل ده وأكتر هنعرفه مع بعض فى الفيديو ده.

تريند وانتشر على السوشيال ميديا، الكل بيتكلم على ظهور البلوجر موده الأدهم فى الشارع رغم قرار حبسها، قالوا أنها طلعت من الحبس وراحت الساحل، و الأكتر من كده أنها رجعت مره تانيه للفيديوهات الجرئية ومحدش عارف يلمها، لا الحبس حوق فيها ولا حد هدها.

فيديوهات كتير جابت البنت وهى راكبه عربية مليانه دباديب وماسكة فى إيدها بوكية ورد وقال يعنى البنت طلعت من الحبس قبل انتهاء مدتها بنصف المدة، معجبين كتير ليها فرحوا بالفيديوهات دى على السوشيال ميديا، الكل فيهم فضل يشير وفرحان، ماهى النجمة بتاعت ظهرت، وعلى كلامهم ظهرت بنفس محتواها القديم، الفيديوهات إياها الرقص و”الهشتك بشتك” والحاجات اللى انتم عارفينها دى.

السؤال: هل موده الأدهم طلعت فعلا من الحبس ولا لأ ؟
الحقيقة أن موده الأدهم لا طلعت من الحبس ولا شافت الشارع طول الفتره اللى فاتت، دى واخده 6 سنين حبس قضت منهم 3 بس لحد دلوقتى والباقى لسه عليها بتقضيهم الفتره دى.

المحامى بتاعها أكد لموقع القاهرة 24 الإخبارى أن البنت ماطلعتش من الحبس وكل الفيديوهات اللى انتشرت على السوشيال ميديا دى قديمة مش جديدة، وان الكلام أنها طلعت بعد قضائها نصف المدة الكلام ده مش صحيح اطلاقا، ماحصلش ومافيش تأكيد أنه ممكن يحصل.

المحامى لفت النظر أنه بالفعل بيحاول يطلع البنت بعد قضائها نصف المدة، بس كل محاولاته لحد دلوقتى مالهاش نتيجة، على كلامه فهوا أتقدم بطلب للحصول على عفو رئاسى عن مودة الأدهم بعد قضائها نصف المدة وحصولها على حسن السير والسلوك خلال المدة اللى قضيتها، لو الطلب ده اترد عليه فا موده وقتها ممكن تطلع من الحبس وترجع لحياتها الطبيعيه تانى، تعمل اللى نفسها فيه وياعالم وقتها هتعمل فيديوهات زى اللى عملتها قبل كده ولا لأ، يعنى هترجع ريمة لعادتها القديمة ولا هيحصل معاها إيه، ماحدش لسه عارف هى هتطلع أصلا ولا لأ، ولا حد عارف هى ممكن ترجع للفيديوهات اللى بسببها دخلت الحبس أصلا ولا لأ، كل ده هنكتشفه في وقته وهنشوفه كلنا أن حصل يعنى.

المهم دلوقتى ان البلوجر مودة الأدهم لا طلعت من الحبس ولا شافت طريق الأسفلت خالص خلال الفتره دى وكل ما يقال عليها فى الاتجاه ده مش صحيح، وكل الفيديوهات المنتشرة ليها دى على السوشيال ميديا وبيتقال أنها ليها، الفيديوهات دى قديمة مش من اليومين دول، دى فيديوهات قديمة صورتها موده من فتره لما كانت واخده راحتها قوى وكانت في حالة رواج على السوشيال ميديا.

السؤال الأهم دلوقتى وموجه ليكم أنتم هوا انتم رأيكم أن موده الادهم تطلع من الحبس عادى بعد قضائها نصف المدة ولا لأ ؟