وأخيرًا جليلة المغربية أخذت براءة والجمهور عرف إن سيرتها التي كانت تأتي في مشاكل تامر حسني وبسمة بوسيل لم تكن صحيحة وذلك بعد ظهور الحقيقة وتم الكشف عن الشخص الحقيقي الذي كان وراء خراب بيت تامر حسني وبسمة بوسيل.
أيوه هي هالة عمر اللي محدش يعرف عنها حاجة، ولا يتوقع إنها ممكن يطلع منها كل ده بس هي قدرت تخلي بسمة بوسيل تتنازل عن جملة النهايات أخلاق والجو اللي كنا شايفينه وهي بتتطلق ده، وكمان دي طلعت السبب في إن تامر حسني يلاقي حبيبته الجديدة كمان، يلا بينا في الفيديو ده أقولكم على صندوق أسرار هالة عمر.
الفرح فرحنا
الحكاية بدأت لما هالة عمر قالت الفرح فرحنا وبدأت تتزف على عريسها وطبعًا عشان هي تعرف تامر حسني وهو يعرفها كويس وعلاقتهم ببعض زي السمن على العسل راح الفرح وغنالها والفرح فرحنا وعادي بقى هيعيش حياته ويشتغل ويكمل طريقه والطلاق من بسمة بوسيل مش هيعطله، بس بسمة مسكتتش وحلفت لتجيب عاليها واطيها.
النهايات مش أخلاق
وبمجرد ما شافت تامر حسني بيغني في الفرح وبيكتبلها رسالة عنها اتحولت وبقت النهايات مش أخلاق خالص وكتبت بسمة بوسيل قالت فيها “حسبي الله ونعم الوكيل فيكي يا هالة”، وهوب لغت متابعة تامر حسني على إنستجرام مع رسالة غامضة على الستوري، كتبت فيها “احترام العشرة بيبتدي باحترام مشاعر غيرك بالذات لو حد كان سبب رئيسي في خراب بيتك وهدم حياة ولادك”، ومن هنا بقى بدأت التساؤلات إيه العلاقة اللي بين تار وهالة وهي أصلًا اتجوزت أهي، وإيه يخلي بسة بوسيل تعمل كده وده اللي هنقولكم عليه في باقي الفيديو بخصوص حبيبة تامر حسني الجديدة.
مين هي هالة عمر
هالة عمر دي من فانز تامر حسني أصلًا ويعرفها من وهي عندها 14 سنة ومع الوقت عرف إنها ليها في السوشال ميديا ويمكن غلطة تامر حسني وقتها إنه معتمدش على شركة كبيرة زي ما المقربين منه قالوله وخد قرار إن البنت الصغيرة دي هي اللي تمسكله السوشال ميديا ومع الوقت بقت الـPR Manager وبتنسق كل أعمال تامر حسني، وبقى ليها متابعين كتير وأي حد بيحتاج حاجة من تامر بيلجأ ليها وبقت الكل في الكل، المفترض إن بسمة بوسيل عارفة الكلام ده وهي على ذمة تامر حسني وعادي الأمور ماشية تمام.
تامر حسني بيعتبر هالة عمر زي بنته وبيقول إن عريسها عمرو طلب إييديها منه بحكم إن باباها ومامتها مشيوا من الدنيا وسابوها في سنة واحدة، المهم هو فرحان بالبنت الشاطرة اللي كبرت دي وبقت أد الدنيا واسمها معروف في شغلانتها وبتقدر تعمل كل اللي هو عاوزة وطلعت نظريته إن الحب بيولد طاقة هي اللي صح عشان هي بتحبه واشتغلت معاه من الدافع ده، طيب كل ده حلو مالها مال بسمة والتوقيع وخراب البيوت ده عشان كده تامر بيتكلم عن واحدة بريئة.
حبيبة تامر حسني الجديدة
السوشال ميديا كلها ملهاش سيرة غير إن تامر حسني متجوز عرفي من ملكة الجمال يارا السكري وإن بسمة بوسيل هي أول واحدة عرفت بالموضوع ده وعشان كده طلبت الطلاق من تامر حسني ووقتها حاول تامر ينهي موضوع يارا السكري ده وفعلًا انتهى زي ما الناس بتقول بس بسمة مرضيتش وطبعًا لما شافت الفرح والجوازة قلبها وجعها وقوّمت الدنيا تاني، ومش عارفين هل تامر حسني في حبيبة جديدة في حياته ولا إيه الموضوع.
انتوا رأيكم إيه في القصة دي وهل تامر حسني هيعلن تفاصيل عن جوازته العرفي دي ولا هيقدر يحتوي بسمة بوسيل والمية ترجع لمجاريها، قولولنا رأيكم في الكومنتات.
