رصيده الفني وصل لأكتر من 1500 لحن موسيقيً وعمل مع كبار المطربين والمطربات في العالم العربي.النقاد وصفوه بـ”المشاكس” لتاريخه الطويل وتصريحاته الحادة ومشاكله مع عدد كبير من النجوم والمواهب.
هو الموسيقار حلمي بكر . اللي مش عاجبه صوت عدد كبير من المطربات في مصر والوطن العربي.”حلمي بكر” ليه تصريحات مختلفة منها انتقاده للمطربة لطيفة اللي قال ان صوتها بيرفع له الضغط.
“حلمي بكر” قال إن المطربة لطيفة صوتها مش حلو، وعلشان تغني بتدفع فلوس للمنتجين وكمان لمتعهدي الحفلات لانها لن تستمر في الغناء انه لا يسمعها حتى لا يرتفع الضغط عنده.
الموسيقار الكبير قال عن لطيفة انه مش بيسمعها وكمان معندهاش موهبة الإستمرار في الغناء علشان كدة مشه تنجح في شراء الناس ليسمعوها.
بكر هاجم كمان المطربة “إليسا” اللي وصف صوتها بالصوت المعلب الغير صالح للغناء إلا جوة الأستوديو.
حلمي قال ان “اليسا” عندها مشكلة تانية اكبر وهي عدم قدرتها على الغناء في الحفلات اللايف لما تقف على المسرح.
أما هيفاء وهبي فأكد حلمي بكر انها لا تصلح للغناء وجمهورها يستمع إليها بأحاسيسه وليس بأذنيه وهي مجرد سلعة تعرف كيف تعرض نفسها.
وعن رفضه اعتماد المطرب محمد منير، في اختبارات الإذاعة.. قال حلمي بكر إن عبد الحليم حافظ نفسه سقط في اختبارات الإذاعة، إيه المشكلة يعني ان منير يسقط صوته مكانش مناسب؟
وقال حلمي ان منير مختارش الأغاني اللي تناسبه لما اتقدم لاختبارات الإذاعة فطبيعي يسقطه، وقال إن سقوطه في الإذاعة مش دليل على إن صوته وحش.
لكن رجع حلمي بكر وقال إن الفنان محمد منير قدر يغير جلده وصنع شخصية جديدة ساعدته على نجاحه وكمان يقدر يدخل الإذاعة.
وعن صوت “عمرو دياب” قال الموسيقار “حلمي بكر”، إن الهضبة زي محمد منير عنده ذكاءً كبير، لكن الأننين ملهمش علاقة بالطرب. لا من قريب ولا من بعيد.
وقال إن الهدف من الغناء هو إن المغني الحقيقي لازم يكون وراه أوركسترا، أما المطرب فهو الشخص اللي بينطلب منه يعيد الاغنية من تاتي ويضيف عليها.
الموسيقار “حلمي بكر” لما اتسال عن انتقاداته لكبار المطربين المصريبن والعرب قال إن ده رايه وتقييمه لصوتهم ومفيش حد يقدر بتجاوز الخطوط الحمراء معه.
والغريب بقى إن هيفاء وهبي ولطيفة واليسا التلاتة كان لهم رد واحد اتفقوا عليه، وهو إن شعبيتهم في الوطن العربي هي أقوى رد على انتقادات حلمي بكر.
