تم تداول صورة للفنانة ميرفت أمين وهي في عزاء الفنان علي عبد الخالق منذ بضعة أشهر، وقد أثارت هذه الصورة جدلاً واسعاً على مواقع التواصل الاجتماعي بسبب تغير ملامحها بدون مكياج. ولكن هذه المرة حدث نفس الأمر مع الفنانة إسعاد يونس صاحبة السعادة فما القصة؟
اسعاد يونس أو صاحبة السعادة زي ما الناس بقت عرفاها، و ده بسبب الحالة اللي بتعملها في البرنامج اللي بتقدمه، و مش بس كده هي طلتها لواحدها على الشاشة تخلي الواحد يضحك، أصل كل أدوارها كانت كوميدي، ونجحت في الحتة ديه جدا .
حب اسعاد يونس محدش يختلف عليه، من أول ما بدأت في التمثيل، قدمت أفلام كتير وتقريبًا اشتغلت مع كل النجوم الكبار و دائما معروفة بشخصية زغلول،و ده لنجاح ” بكيزة و زغلول” سواء الفيلم أو المسلسل، يمكن حظها في المسرح مكنش قوي زي السينما و الدراما، بس ده ميمنعش إن المسرحيات اللي قدمتها الناس حبتها .
بعد كده أما شافت ان الانتاج أحسن ليها في الفترة من أول الالفينات، عملت كده و بقت بتشارك بادوار ثانوية مش أساسية، و بعد كده حولت الطاقة اللي جواها ل يرنامج صاحبة السعادة .. و اللي فيه استضافت نجوم مصريين و عرب و أجانب.
بس ده ممنعش انها ممكن تتعرض لهجوم أو تريقة،بسبب صورة زي اللي حصل مع ميرفت أمين من فترة،أما كانت في عزا علي عبد الخالق، وطبيعي ملامح الكبر موجود ، مع الحزن و من غير مكياج فطلعت الصورة بشكل غريب، و الناس اشتغلت تريقة عليها.
إسعاد يونس في عزاء والد دينا الشربيني
نفس الكلام و نفس الموقف اتعرضت ليه النجمة اسعاد يونس أول مرة كانت في عزا والد دينا الشربيني،واللي كانت رايحة وهي على العكاز لانها كانت لسه مصابة، و بحكم إنها اشتغلت مع دينا في أخر مسلسل هو ” كامل العدد” واللي اتعرض في رمضان، وكانت ردود الأفعال عليه كبيرة جدا، سواء لوجود اسعاد يونس، أو بسبب المسلسل نفسه .
الناس أما شافوا ظهورها في العزا، بردو اتكلموا. بس مكانش بنفس قوة صورة ميرفت أمين وعدت المرة الأولى ، بس المرة ديه، مصمم الأزياء إسلام سعد ..
نزل صورة ليه هو و النجمة إسعاد يونس، و هي بتعمل بروفة على بدلة من تصميمه، و كانت من غير مكياج و بملامحها الطبيعية، واللي هي باين عليها ملامح الكبر، و التعب و الارهاق بردو .
طبعا زي ما كان في تعليقات حب كان في تعليقات تريقة على شكلها و ملامحها، و الحقيقة إن النجمة إسعاد يونس يمكن من الفنانين القليلين أوي اللي بيتعرضوا لهجوم أو سخرية، و الأهم إنها مش بترد .
و اللي من الواضح جدا إنها بتحب تظهر بين كل فترة و التانية بملامحها العادية من غير مكياج أو أي حاجة تغير ملامحها، و ده على مدار حياتها. مش خلال الفترة الأخيرة بس .. يعني دائما في أي عرض خاص أو بتكون بملامحها عادي ممكن تكون حاطة مكياج بسيط بس .. وكأنها بتوجه رسالة لأي حد إن زي ما بتظهر بمكياج عادي جدا تظهر بملامحها العادية .
