الناس كلها ترى الإعلامية بوسي شلبي وهي كل يوم في مناسبة.. وطالعة لايفات من كل مكان، وتتصور مع الفنانين ومعظمهم أصدقائها، ولكن كيف كانت حياتها قبل الزواج من الفنان محمود عبد العزيز.
ناس كتير متعرفش إن بوسي شلبي كانت الزوجة الثانية للفنان محمود عبد العزيز.. اللي دخلت بيته وخطفته من مراته وعياله.. وخلت الراجل الكمل اللي الناس كلها بتحلف بيه.. عليه علامات استفهام كبيرة لحد النهارده
الفنان محمود عبد العزيز اتجوز أول مرة من حبيبته جيجي اللي خلفت له محمد وكريم.. وعاشوا سوا حوالي عشرين سنة وكانت قصة حب الناس كلها بتشهد ليها.. في الوقت ده بوسي شلبي كانت أصغر منه بحوالي 20 سنة.. وكانت صاحبة مراته وبتدخل بيتهم وموجودة في حياتهم دايما.
فجأة دخلت المشاكل بين محمود عبد العزيز ومراته.. وعلى طول اتطور الموضوع لانفصال ورفعت أم الولاد قضية على الفنان المشهور عشان النفقة والمؤخر.. وبعدها اتجوز بوسي شلبي والناس كلها قالت إنها خدته من بيته ومراته وعياله.
ولاد محمود عبد العزيز على قد حبهم لوالدهم الراحل وقربهم منه جدا.. إلا إن خطوة جوازه من بوسي شلبي مكنوش قادرين يتخطوها أبدا.. وفضلوا قريبين منه وبيتعاملوا معاها في حدود جدا.. عشان كانوا بيخافوا على زعله.
ولكن بعد وفاة محمود عبد العزيز، كريم ومحمد مبقوش قادرين يستحملوها أكتر من كده ولإنه كان عارف إن ده هيحصل، كتب لها شقة كبيرة في مصر الجديدة وفلوس في البينك وأمن لها مستقبلها بعيد عن ولاده وورثهم.
كريم محمود عبد العزيز طلع من فترة ونفى إنهم طردوها من بيتها وإن العلاقة بينهم مش حلوة.. وإنهم محافظين على ذكرى والدهم.. بس الحقيقة غير كده.. والناس كلها عارفة إنهم ولا بيكلموا بوسي.. ولا بيظهروا معاها في أي مكان.. ومن ساعة ما رحل الفنان محمود عبد العزيز وهي في عزلة عنهم تماما.
عشان كده بوسي شلبي بتتمتع بتضامن كبير من الوسط الفني.. الناس كلها شايفه إنها بقت وحيدة بعد رحيل محمود عبد العزيز.. ولإنها زمان كانت مذيعة لسه طالعة جديد وبتجرب حظها.. مسكت في الشغلانة أكتر بعد رحيله.. عشان يبقى ليها مصدر دخل.. وفي نفس الوقت تلاقي حاجة تعملها.
بوسي شلبي لحد النهارده بتتوصف إنها الحرباية اللي خدت الفنان محمود عبد العزيز من مراته وولاده.. ومهما عملت مش قادرة تنفي الصفة دي عنها.. ورغم إنها عاشت وحيدة من بعده ومتجوزتش حد تاني ولسه لحد النهارده عايشة على ذكراه.. إلا إن الجمهور والتاريخ مبينسوش ومبيسامحوش>
