الفنان علي الحجار عشقته جنية وعاش سنين كثير من حياته في رعب ومشاكل بسببها.. كيف تخلص منها وما المشاكل التي سبتها له وياترى تزوجها أم لا؟ ولماذا كشف صديقه سره؟ كل دي حكايات وراها أحداث كتير هتعرفوها في التالي:
ناس كتير ممكن تستغرب لما تسمع قصة غرام الفنان علي الحجار مع جنية وهيستغربوا أكتر لما يعرفوا إنها بنت ملك الجان بنفسها لدرجة إنها قعدت معاه 11 سنة مش سايباه في حاله وعملتله مشاكل كتير جدًا لحد ما ربنا تاب عليه واتخلص منها وطلع يحكي ويقول إزاي كانوا بيتقابلوا وإن ده كان سرْ في حياته بس صديقه كشف سره ومحافظش عليه.. وعلي دلوقتي ولا بيحب يجيب سيرة الموضوع ده تاني ولا عاوز يفتكره أصلًا.
نجم تترات المسلسلات
اكتشفه الموسيقار بليغ حمدي بعد ما عجبه صوته وهو بيغني “على قد ما حبينا” اللي قدمها في حلقة من حلقات برنامج الموسيقى العربية واللي كانت شهادة ميلاده الفنية في قلوب الجمهور.. علي الحجار واحد من أهم المطربين على الساحة الفنية وهو صاحب الصوت اللي مليان بالهموم وقدم كتير من الأغاني اللي لسه في أذهان الجمهور وهتفضل معاهم في كل وقت بالذات تترات المسلسلات زي ذئاب الجبل.. وعلي صاحب حنجرة ذهبية وصوت مليان شجن وحب وقعد فترة طويلة بيشرب وحياته مش متظبطه لحد ما ربنا هداه وبقى بيصلي وحياته اتعدلت وحب الجمهور بقى محاوطه من كل ناحية.
جوزات علي الحجار
والفنان علي الحجار اتجوز 6 مرات وخلف 7 ولاد ومتحمل جميع نفقاتهم واللي بتوصل 40 ألف جنيه كل شهر وأول جوازة كانت من الرقاصة مشيرة إسماعيل ودلوقتي على عصمته زوجة واحدة ومعاه من 15 سنة وهي السيدة هدى طلعت.
غرام الجنية
طبعًا الجوازات دي حاجة وحكاية غرام الجنية بنت ملك الجان دي حاجة تانية خالص.. واتردد إن في جنية عشقت علي الحجار وده اتقال على لسانه هو وقعدت تعشقه 11 سنة وكانت بتربطه بيها علاقة غرامية رغم إنه ولا شافها ولا حاجة.. وهما متجوزوش زي ما اتقال لكن الحكاية إن كان في دلائل كتيرة على وجودها ومع الوقت قدر الحجار يتخلص منها بعد ما عملتله مشاكل كتير في حياته وهو تقرّب من ربنا وبعد عنها ومبقاش لا فاكرها ولا بيتكلم عنها.
طبعًا القصة دي مكانتش معروفة وكانت الحكاية سر بينه وبين نفسه لحد ما بقى السر بين اتنين فقال لصديق واللي كان بيشتغل صحفي وقام نشر السرْ كله بالتفاصيل من غير ما علي الحجار يعرف.. ولما طلع الحجار يتكلم عن حقيقة الموضوع ده كان بيأكد الحكاية وإنه اتخلص من الجنية بمساعدة واحد اسمه عم صبري ومن ضمن اللي حصله بعد ما الموضوع اتعرف إن في ستات كتير كانوا بيتصلوا بيه ويسألوه إزاي اتخلص منها ومن حبها.
