يبدو أن قصة حسن شاكوش وزوجته ريم مازالت مستمرة معنا وستظل متصدرة للتريند طوال اليام القادمة، ففي كل يوم نجد أسرار وتفاصيل جديدة تخرج للعلن، لكن هل ما يفعله النجوم في إخراج اسرار حياتهم حرام؟ تابعونا لمعرفة الإجابة:
بما إن الموضوع بقى تريند السوشيال ، فقرر الشيخ عبد الله الأزهري أنه يعلق على القصة ، وهو شيخ شاب معروف جدا على الفيسبوك وعنده تفاعل كبير جدا من الشباب ، وعامل لنفسه منهج معين ناجح جدا على السوشيال ميديا عشان يعرف يتعامل مع الشباب دول ، وبيديهم فرصة يبعتلوله اي سؤال على صراحة وهو بينزله وبيجاوبه بطريقة بسيطة وطول الوقت بيهزر معاهم وعامل أجواء حلوة بينه وبين الشباب عشان يقدر يوصلهم المعلومات الدينية بطريقة سلسة ..
وعشان الشيخ عبدالله الأزهري بيسمع له شباب كتير ، قرر يعلق لأول مرة على حاجة تخص الوسط الفني ، واللي طبعا بالنسباله دي غريبة ، لكنه خد موضوع حسن شاكوش وريم طارق من زاوية تاااانية خاااالص
الشيخ اتكلم في نقطة محددة وهي ان حياتنا الشخصية بقت كلها على السوشيال ميديا ، من جواز وطلاق ومشاكل ، وطول الوقت مهتمين نكتب قصة حياتنا وتفاصيلها على الفيسبوك ، وده اتسبب في خراب بيوت ناس كتير بسبب الحسد والعين ..
عبد الله الأزهري قال عن قصة حسن شاكوش :” تكلفة فرحك تجوز 10 شباب ، وبعد الفرح الفخم ده الدنيا اتقلبت وحصلت مشكلة وقضية بينك وبين مراتك ، والله مفيش خصومة بيني وبين الفنان لكن مكنش لازم نصرف ببذخ على الفرح والشقة والعفش والحاجات دي ”
الشيخ وجه كلامه لكل الشباب وقال : الحسد والعين هما السبب .. مش كل حاجة تروح تنشرها على السوشيال ميديا ،، البيوت اتخربت لما بدأنا ننشر خصوصياتنا ، حتى لو جبت عربية ولا خلفت تطلع تقول للناس ،، والموضوع كبر مننا وفي ناس بقت تصور ده لايف ، ومبقهاش عندنا خصوصية خالص والبيت بقت منتهكة وبعدين نرجع نعيط ونقول بيتي اتخرب ”
وحاول الشيخ انه يقول للناس الغرض من تعليقه على قة حسن شاكوش ومراته ، والهدف منها هو اننا نحترم خصوصتنا ومش كل حاجة ننشرها على السوشيال ميديا، وقال : في حاجة اسمها حسد وعين والنبي حذرنا منه وقالنا : العين حق ، واكثر ما يدخل الإنسان القبر بعد قدر الله هو العين.
بلاش تنشروا كل خصوصياتكم على السوشيال ميديا وبعدين ترجع تقول اتحسدت .. ما طبعا لازم تتحسد ،، واخيرا داري على شمعتك تقيد ،، أو متقولش اصلا ان عندك شمعة.
