مازلنا مستمرين فى مسلسل يوميات عامل النظافة،وشكل نهاية المسلسل اقتربت أو نهاية البطل حاجة فى الرينج ده، وهذا ما سنعرفه الآن، فهو لم يتصدر التريند منذ أيام، والكل يتساءل هل غير الخطة مع بداية العام الجديد.
ما هو بقاله كام يوم مطلعش تريند،لعل المانع خير إن شاء الله، والكل بيسأل ياترى يا هل ترى ولا يمكن مغير الخطة مع السنة الجديدة بحيث يبدأ بطريقة معينة؟
الجمهور قالك غيابه ده فى إن ،وهو شكله كده فى إن وإن كبيرة كمان،ياترى إيه اللى مستنيه الأيام الجاية؟عمل إيه؟وهل هيكون له عقوبة ؟وإيه هى؟ تفاصيل كتير عن عامل النظافة ومصيره الأيام الجاية تابعونا.
على كل المستويات عامل النظافة جرب كل التريندات،لدرجة إن من كتر ظهوره ده سبب إزعاج وإستفزاز للجمهور،وبقوا لا عايزين يعرفوا حاجة عنه ولا طايقين يسمعوا سيرته.
وكل تعليقات الجمهور كانت ياريت تدوا فرصة الظهور دى على الساحة الإعلامية لشباب يستحقوها،حد عنده فكره ينفع بها المجتمع،حد إخترع حاجة مفيدة للبشرية. وإحنا فعلا عندنا فى مصر نماذج مشرفة كتير تستحق تتعرف وتكون قدوة لغيرهم من الشباب.
كل اللى عايزينه هيحصل وطلبات الجمهور أوامر..وعامل النظافة مش هيظهرتانى على الساحة علشان كده قولكوا إنها هتكون بداية النهاية لمحمد عادل ،ليه؟ هقولك..
الساعات اللى فاتت إنتشرت الأخبار بتدخل من البرلمان لمنعه من الظهور فى الإعلام، والنائبة أيات الحداد إستنكرت ظهوره اللافت ده وقالت فى الوقت اللى يتواجد فيه علماء وعباقرة وعايزين فرصة لعرض أفكارهم ومقترحاتهم علشان الدولة تتبناها ويقدروا يفيدوا وطنهم مش عارفين يعملوا كده.
وبنلاقى عامل النظافة بيتنقل من قناة لقناة وعلى السوشيال ميديا ،وده بيسبب إحباط للشباب ويأس وفقدان أمل لمستقبلهم.
ومن هنا أعلنت النائبة أيات الحداد عن تقديمها بطلب إحاطة بشأن إستضافة عامل النظافة فى أكتر من موقع سواء فى التليفزيون أو على السوشيال ميديا.
وأكدت كمان إن لازم يوقفوا الهراء ده ،ويمنعوا ظهوره على جميع القنوات التليفزيونية،وإن الأولى الظهور ده يكون للى يستحقوها ويعرضوا أفكارهم لبناء الوطن.
الحقيقة إن ظهور محمد مكنش مقتصر على اللى حواليه بس لا،بيطلعلك من كل حته ،فى الشارع بقى ،سوشيال ميديا،برامج تليفزيونية ،والحقيقة مفيش غير برنامج واحد وقناة معينة هى اللى متبنية فكر عامل النظافة،أصلا طريقة الحوار ،لو حد تانى غير عامل النظافة مش هيقبل بها،بس بيحسبوها صح طالما بتتشاف وموجود على الساحة ،مش مهم موجود ليه المهم مكتسح التريند تتهان بقى ،تطرد ،دى كلها شكليات.
محمد عادل قالك يا محلى عيشة الفنانين،ومقتنع إقتناع تام إنه فنان وفنان شامل ممكن يغنى ويمثل ،والبركة فى عصام عبد الرحيم،اللى شجعه على الخطوة دى وأقنعه إن بيمثل حلو بعد المقلب إياها اللى كانوا عملينه مقلب خناقتهم مع بعض. وقال إيه محمد مكنش يعرف ،وهو كان بيختبره،ويطمن ويطمن الجمهور إن فى وجه جديد هيظهر قريب.
من أول ظهوره فى الفضائيات،وتوثيق كل لحظات حياته،وكل المواقف والتصرفات اللى بيعملها وكلنا عارفين ليه،والجمهور ظلم أحمد العوضى وقالت بيدور على التريند،الأيام أثبتت مين اللى بيجرى ورا التريند.
محمد عادل هيمثل وفى لوكيشن التصوير مع رانيا يوسف وسمية الخشاب وإتطرد ،هيغنى وظهر مع عصام عبد الرحيم ، خطب لما ظهر مع مذيعة قبل كده ،لا ده هيتجوز وهيجيب للعروسة شبكة ب 100 ألف جنيه ،وفيلا فى الشيخ زايد،ده راح عزا فريد الديب،لا ده صاحب واجب وراح عزا مفيد فوزى كمان.
دى النهاية المتوقعة لعامل النظافة وده الطبيعى لأى حد هياخد الشهرة لغرض معين زى عامل النظافة كده ،واللى بظهوره فى البداية قدر يكسب تعاطف الجمهور،ولكن التعاطف ده إتقلب لهجوم بسبب تصرفاتهم المستفزة للجمهور.
ياترى هيكون إيه الإجراء اللى هيتم ضده؟وهل هيكون له عقوبة معينة؟ولا مجرد منع من الظهور بس؟ ده اللى هنعرفه الساعات الجاية تابعونا.
