أنا مبتكلمش عن دلوقتى ..أنا بتكلم عن زمان لما كان عندى عذر قهرى..هذا كان رد ميار الببلاوى على أحد متابعيها عندما قالت لها : هو مش إنتي اللي طلعتي وقولتي أنا كاتمة شهاده إنتي اللي تكلمتي أصلا من غير ضغط من حد.
بعد 23 سنة رجع الكلام عن القضية وزى ما يكون لسه حاصلة الأيام دى،وكل يوم مفاجأت جيدة بتظهر ..أتهامات رايحة وإتهامات جاية لوفاء مكى وميار الببلاوى وغيرهم من الفنانين.
عدى 23 سنة ولسه محدش عارف هل وفاء مكى بريئة ؟مش هتصدق اللى عملته ميار الببلاوى بعد إعترافها الأخير ببراءتها! ياترى إيه السبب القهرى اللى منعها من الشهادة؟ اللى قالته حاجة والى حصل حاجة تانية خالص !
مفيش كلام طول الأيام اللى فاتت إلا عن قضية وفاء مكى اللى إتحبست بسببها 10 سنين، القضية كانت إتنست خلاص لحد ما ظهرت ميار الببلاوى،وقالت شهادتها إن وفاء مكى بريئة. وكانت عارفة انها مظلومة.
ولكن لما إتهاجمت من الجمهور، قررت تستغل دورها كمذيعة وطلعت فى حلقة مع شيخ من الأزهر ،وإتكلمت عن كتمان الشهادة ..ولما نشرت الفيديو ده علقت ” دا الرد الفقهى والدينى ..أنا عملت حلقة عن كاتم الشهادة دا اذا كان فيه كتم شهاده أصلا”.
تعليقها ده أستفز الجمهور جدا ..ولما قالوها إنتى اللى إتكلمتى ومحدش ضغط عليكى إنك تحكى اللى تعارفيه قالت : أنا مبتكلمش عن دلوقتى بتكلم عن زمان لما كان عندى عذر قهرى”..معنى كده إن فى سبب تاني هو اللى أجبر ميار الببلاوي تسكت لحد دلوقتي.
ميار أول ما ظهرت مع ريهام سعيد وعملت الشوشرة دى قالت إن سبب سكوتها لحد دلوقتى إنها إتهددت بإبنها ” لو شهدت معاها، فخافت وخدت ابنها وجوزها وسافرت سوريا واختفت تماما.
الحقيقة إن ميار مذبذبة ومش عارفة هى عايزة إيه ولا عارفة توصل للجمهور عايزة تقول إيه ..بعد كل اللى عملته ده رجعت فى كلامها تانى وقالت ان شهادة الراجل ده ريحت ضميري وكنت بأنب نفسي على الفاضي .. ملقتيش حد غيري تدوسي عليه وتمثلي البراءة؟ أنا قلت إن في موقف حصل لكن كده أتحسمت كفاية بقى، أو علشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا؟
. وده طبعا بعد ما ظهر حد شاف الواقعة كاملة واللى حصل مع الخدامتين ،وقال مع ريهام سعيد “بما إنها مسكت القضية من الأول”إن وفاء مش بريئة وتستحق ال10 سنين دول.
مش بس كده ميار بعد ما كانت بتدافع عن وفاء قلبت عليها خالص وقالت لها :في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.
طبعا وفاء مكى إتصدمت من تصريحات مياروقالت لها قى تصريح لبرنامج الترابيزة على قناة “هى” كنت بتنامي إزاي وبتاكلي وتشربي إزاي وأنتِ ظالماني يا ميار ، ومعاكِ دليل براءتي وكتمتِ الشهادة، هتقابلي ربنا إزاي؟ هتواجهي ربنا إزاي؟ اللي بيكتم الحق دا شيطان أخرس، ما صعبتش عليكِ وأنا محبوسة ظلم؟
التفاصيل والمفاجأة بخصوص قضية وفاء مكى مخلتصش..والأيام كفيلة تثبت هلى هى بريئة فعلا ولا تستحق فترى الحبس اللى قضيتها؟تفتكروا إيه العذر القهرى اللى يكون منع ميار الببلاوى إنها تنقذ وفاء مكى ؟اللى قالته طبعا غير اللى المسخبى ..وكل حاجة مصيرها تظهر وتبان ولاإنتوا رأيكوا إيه؟ شاركونا فى التعليقات.
