حلت الفنانة أنغام، الساعات الماضية، ضيفة ببرنامج “بيج تايم بودكاست” الذي يقدمه عمرو أديب وأصالة بقناة “إم بي سي”.
وخلال اللقاء وجه عمرو أديب سؤال لـ أنغام قائلا : “لو جمعك بأصالة مسرحية غنائية مع أصالة، من يكتب اسمه الأول؟”.
عمرو أديب يحرج أنغام على الهواء بهذا السؤال
من جانبها علقت أنغام: “احنا بس نظهر على المسرح مش محتاجين يتكتب أسامي أصلًا”، لتعقب أصالة: “هنظبطها مع بعض”.
ولفتت أنغام: “بمثل في الأغاني والكليبات لكن فكرة التمثيل مش موجودة أوي، ومفيش الكتابة اللي تشجعني، ومش بعرف أقول لسيناريست اكتب لي فيلم لإن السكة دي مش بتاعتي وأنا مش نبيلة عبيد أنا محتاجة حد يشوفني ويقول لي أنا شايفك في العمل ده ولايق عليكِ، ومش هدخل التمثيل إلا لو فيه نص كويس وحد شافني فيه”.
وخلال اللقاء، قالت أنغام: “أنا بحب الكرة لإني مولودة في عائلة كلها رجالة والكرة كانت شيء أساسي وأحب الأهلي طبعًا”.
لتعقب أصالة: “ليه كل الفنانين بيحبوا الأهلي وأنا أول لما جيت مصر شيء غريب، أنا كمان بحب الأهلي أول لما جيت على مصر تعاطفت مع الأهلي”.
من جانبها، ردت أنغام: “أنا بحب الأهلي من أيام الكابتن محمود الخطيب، والأهلي بالنسبة لي عقيدة”.
اقرأ ايضا:
