كشف المطرب الشاب عمر أحمد كواليس أحدث أعماله بعنوان “هاتوا الفنوانيس”.
وقال عمر في تصريحات لـ لقطات: «فكرة الغنوة جت في قاعدة مع صحابي نفسهم يسمعوني في حاجة لرمضان وبصراحة شوقهم لرمضان فرحني وقولت لازم أعمل حاجة أشرح فيها تفاصيل رمضان بكل حاجة حلوه فيه».
وتابع: تواصلت فوراً مع الشاعرة أمل البنا، واللي بعتبرها من افضل الناس إللي اشتغلت معاهم لأن لينا أنشودة مع بعض اسمها «زارني نبينا» سيتم إصدارها قريبا، وشرحت لها ما أطلبه، وبعد 3 ايام أرسلت (هاتوا الفوانيس).
ومن كلمات الأغنية:
هاتوا الفوانيس دا هلالنا اهو بان
يلا نعلق زينة رمضان
فرحة وهيصة وصلاة تراويح
وحوي يا وحوي قران تسابيح
واستطرد عمر: «شوفت الكلمات فرحت جدا بيها وقولت لازم لها لحن يكسر الدنيا وأنا اصلا بحب الشغل المبهج، عرضت الغنوة على شركة الانتاج ووافقوا فورا عليها، وكانت أمنيه حياتي اشتغل مع الموزع أحمد عادل، وطلبت ده ، وعل الرغم من انشغاله بأغنيه للفنان حمادة هلال في المداح وأغنيه أخرى للهضبة عمرو دياب إلا إنه وافق يشتغلها».
وأضاف: «فرحت لما بقيت أمشي قي الشارع وأسمع الأغنية شغالة في المحالات والشوارع، والفرحة كملت لما لقيت الشركة بتقولي مبروك الغنوة بتاعتك حاليا كول تون في شركات الاتصال».
وعن أعماله المقبلة أكد: «بعد العيد فيه غنوة اسمها احلم ودي من كلمات نسمة عزت وألحان المغيني».
واختتم: «حابب أوجه الشكر لكل شخص فرحني سواء بكلمة أو ساعدني في إن العمل ينجح».
