تحتفل اليوم الثلاثاء 19 ديسمبر، الفنانة عفاف شعيب، بعيد ميلادها الـ 75، إذ ولدت في مثل هذا اليوم عام 1948.
وأعاد رواد ماقع التواصل الاجماعي، تصريحات سابقة للفنانة عفاف شعيب أثناء حلولها ضيفة برنامج “واحد من الناس”، الذي يقدمه الإعلامي عمرو الليثي عبر قناة الحياة.
«عمل شيء صادم».. عفاف شعيب تفجر مفاجأة عن سر خلافها مع أحمد زكي
وكشفت عفاف شعيب، خلال اللقاء سر خلافها مع الفنان الراحل أحمد زكي، مشيرة إلى أن هذا كان خلال الحج.
وقالت عفاف : “في ناس وقعت بيني وبين أحمد زكي في الحج بعد ما أقنعته يحج علشان ربنا يرضى عليه، فلقيت في ناس وسوسوا له وقالوا له خليك قاعد في الأوتيل”.
وأضافت: “أنا قلت له لازم تروح مِنى علشان تقرأ قرآن قال لي طيب، وفجأة وإحنا قاعدين لقيته بيصرخ في وشي قال لي مش رايح معاكوا قلت له أنت حر دي مناسك لازم تلتزم بيها”.
وتابعت: “اتاري في ناس قالوا له سيبك منها ده كلامها مالوش لازمة، وفي نفس الوقت في حد قال لي إنه ما قرأش قرآن في عرفة، فقلت له ليه ما قرأتش قرآن، قال لي أنا شيطان من الشياطين”.
وأكملت: “قلت له إيه الأسلوب ده، وقلت له أوعى تكلمني وروحت أوضتي وقلت خلاص مش هكلمه، وجالي البيت من غير ما يتصل وقال لي بصي انت جوهرة غير كل الناس”.
وفي وقت سابق، كشفت الفنانة عفاف شعيب، أنها تزوجت من رياض العريان رغم عدم حبها له، موضحة: “مكنتش بحبه، واتضغط عليا كتير أوي من حسين كمال علشان اتجوزه، لما كنت بصور معاه فيلم أفواه وأرانب.”
وأضافت: “أنا مكنتش حاطة في دماغي جواز واتقدملي ناس كتير أحسن منه وكنت برفض ولكن في النهاية النصيب وراء جوازي منه”.
اقرأ ايضا:
