مستهدين لمشاهدة الفنانة هدى الإتربي بشكل مختلف في رمضان؟.. النجمة الشابة تحولت من شخصية كيوت لـ ست وفنانة متكاملة.. ستظهر هذا العام بشكل مختلف.. بعد ما اختفت فترة عن الدراما وانشغلت بحياتها الخاصة.. وعمليات التجميل التي حطتها فوضعتها في منطقة مختلفة تمام.. وأصبحت ماركة مسجلة في الإغراء ولفت الأنظارـ تابعونا لمعرفة الاسرار من خلال التقرير التالي:
الفنانة هدى الإتربي اللي اتحولت من نجمة صف تاني لبطلة ونجمة وحدوتة كبيرة في فترة قصيرة.. وراها قصة كالعادة.. الناس كلها بتتابع صورها ورحلاتها وسفرياتها على انستجرام.. وتواجدها في مناسبات مهمة مؤخرا.. ومحدش فاهم سر التحول.
سر التحول في حياة هدى الإتربي بدء من ساعة ما اتعرضت على محمد فودة طليق الفنانة غادة عبد الرازق.. اللي كان بينهم قصة حب كبيرة جه عليها وقت وانتهت.. وهنا دخلت هدى على الخط على تاخد فرصتها هي كمان
مش بس الجواز اللي غير حياة هدى الإتربي.. هي من ساعة ما عرفت طريق عمليات التجميل.. والنحت.. والجيم.. وبقت موديل موثقة في ماركات عالمية.. بتحضر كل عروض الأزياء وتسافر هنا وهناك ورا الماركة العالمية اللي بتقدمها.. وبتدلع نفسها بقى.
وبعد ما غابت السنة اللي فاتت شوية.. راجعة السنة في رمضان بدورين أقوى من بعضهم.. الأول في مسلسل “سره الباتع” مع المخرج خالد يوسف.. اللي بتقدم فيه دور مختلف تماما عنها.. وهتظهر من خلال في عصر قديم.. تقريبا من أيام الحملة الفرنسية على مصر.. وبتقدم شخصية واحدة من أعضاء المقاومة ضد الاحتلال.. وطبعا الأمر ميسلمش من شوية حب ورومانسيات.. ودلع هنا وهناك.
ورغم إنها مبقتش محتاجة .. إلا إن هدى الإتربي متقدرش تقول لأ للفنانة ياسمين عبد العزيز.. اللي دلوقتي مشغلة معاها كل الفريق اللي نجح معاها قبل كده.. سواء في مسلسل “اللي مالوش كبير”.. أو مسلسل “ونحب تاني ليه”.
هدى الإتربي هتشارك في مسلسل “ضرب نار”.. مع ياسمين عبد العزيز.. وهتقدم من خلاله دور فتاة عاطلة.. ومدللة وبتدخل في صراعات مع ياسمين عبدالعزيز.. ومش بس كده.. دي هتكون ند بند ليها خلال الأحداث.. مش زي قبل كده كانت أختها الكيوت اللي بتظهر بالعافية كده في المشاهد
بس طبعا النجومية والتمثيل مش كل حاجة.. ألفنانة من ساعة ما خدت حقها وغيرت شكلها ومحدش بقى عارف يكلمها.. أصلا عشان تتصل بيها وترد عليك دي بقت أحلام كبيرة.. بتيجي مصر بس تصور مشاهدها في الأعمال اللي بتشارك فيها.. وترجع تاني لطيارتها الخاصة ولحبيب القلب وتلف العالم.. أهو ده العوض بجد والله.. عقبالكوا يا بنات.
