لا يوجد أحلى من الليلة التي تلبس فيها وتتشيك من أجل ليلة العمر التي تنتظرها، وياسلام لو كانت الزفة بعربية آخر موديل، ولكن وسط الفرحة والتحضيرات قد يحدث موقف لن تنشاه طوال حياتك في هذه الليلة، وفي تقريرنا هذا سوف نوضح غرائب وطرائف للفنانين في ليلة العمر فتابعونا.
فيه فنان مشهور جدًا كانت تعبيرات وشه فرحة وهو بيتزف بس الليلة بتاعته كانت صعبة عشان عروسته حطته في موقف محرج، والموقف ده ليه علاقة بالفنان تامر حسني، خليكو معانا هتكتشفوا التفاصيل.
ليلة بدون أخطاء
كلنا بنعتبر ليلة الزفاف دي أو ليلة الدخلة اللي بيستناها الراجل والست وبيعدوا ليها العُدّة زي ما بيقولوا عاوزينها تكون على ما يرام يعني بالبلدي مفيهاش غلطة عشان محدش يقع في موقف محرج بقى ينقص الفرحة.
بس غصب عن الواحد مهما يكون مرتب لليلة دي بتحصل مفاجآت عارضة ولا أخطاء كارثية بتعمل توتر وتبوظ الفرحة، وردود فعل نجوم الفن على المفاجآت اللي حصلتلهم مختلفتش عن غيرهم من الناس العاديين.
وردة والصدمة
الفنانة وردة الجزائرية اتجوزت من الملحن الشهير بليغ حمدي وفي ليلة العمر اتحطت وردة في موقف محرج من بليغ مكانتش تتصوره وده اللي عملها صدمة وكبيرة ودي كانت يوم كتب الكتاب ووقتها بليغ نسي معاد كتب الكتاب بجد ومش بس كده لأ.
ده سافر مع العندليب عبد الحليم حافظ على بيروت وولا كإن وردة دي هنا ولا كإنهم اتفقوا على الجواز أصلًا ومفتكرش المعاد إلا بعد ما سافر، وده طبعًا عمل إحراج للفنانة وردة عشان هي كانت جهزت للحفل وكل حاجة وكانت في انتظاره هي واخواتها ولما افتكر بليغ رجع واعتذر لها عن غلطته دي.
خالد سليم لحق نفسه قبل ما الليلة تبوظ
معروف إن الفنان خالد سليم عمل حفل زفاف أسطوري على عروسته خيرية وكان وقتها الكل بيتحاكى بالفرح ده وهما فعلًا يستاهلوا بعض وحياتهم مستقرة بس في الليلة دي اتحسدوا تقريبًا وحد كان باصصلهم في الفرحة بتاعتهم اللي كانت ظاهرة عليهم أوي بس هما كانوا رتبوا يروحوا شهر العسل علطول بعد الجواز والليلة بتاعتهم دي كانت هتبوظ فعلًا عشان التأشيرة بتاعة السفرحصل فيها مشكلة واتغيرت خطة شهر العسل.
وده اللي كان ممكن يفسد عليهم ليلة العمر ووقتها كانوا مقررين يسافروا على أوروبا يقضوا شهر العسل ولما اتأخرت الفيزا الخاصة بيهم زعلوا جدًا والحزن سيطر على خيرية لجد ما ربنا وقفلهم ولاد الحلال وغيروا الخطة وسافروا بس لمكان تاني.
راح فين مفتاح الشقة؟
من المواقف الطريفة اللي حصلت للفنانيين في ليلة الدخلة، اللي قالته وفاء إبراهيم، أرملة الفنان الراحل محمد متولي، يوم ليلة الدخلة والجوازة اللي مرت ببدايات طريفة وكوميدية جدا، وقالت: “ليلة دخلتنا نسينا مفتاح الشقة في العربية، والعربية أخويا خدها لف بيها وعمل حادثة.
وهو مرضاش يقولي علشان ميبوظش اليوم.. وروحنا خدنا تاكسي بالبدلة وفستان الفرح وقعدنا نلف لغاية ما عرفنا نجيب المفتاح”.
تامر حسني كان ليه علاقة بجوزاة مين؟
الفنان اللي بنتكلم عنه هنا هو حمادة هلال وتامر حسني ليه علاقة بجوازته فعلًا ولو بصينا وقتها لصورة حمادة هلال وركزنا في تعبيرات وشه هنلاقي عمنا حمادة لبس واتشيك زي أي عريس واتصل بيه تامر حسني ورتب معاه إنه هو اللي هيزفه بالعربية الكوبيه المعتبرة.
المهم وصل تامر وراحوا الفرح وفجأة.. يحصل حاجة للعروسة ما حدش يتوقعها الليلة دي كانت صعبة على حمادة فوق ما حد يتصور ليلة ما عدتش كدا زي أي ليلة كان فيها أحداث غريبة وحمادة شافها من هنا ووشه جاب ألوان من هنا ووقف متسمر وهو دبل كيك والليلة كانت هتبوظ طيب إيه اللي حصل بقى.
موقف غريب
نحماده هلال اتكلم عن ليلة زفافه وقال: “مراتي أغمى عليها قبل الزفاف بدقايق واتعرضنا لمواقف عصبية وضغوط كتيرة قبل الجواز يعني مجهود رهيب في تجهيز عش الزوجية عشان الوقت ضيق وقبل الزفاف بدقايق اتصابت مراتي بالإغماء وحصلت بحالة من الخوف والهلع عشان كانت لابسة فستان زفافها وعاملة ماكياج كامل واتحطينا في موقف محرج ده إحنا كنا خلاص هنخرج للمعازيم.. الموقف ده خلى الكل منزعج عشان أول مرة يحصلها كده ووقعتها بالشكل ده خلاني كنت خايف جدًا وفضلت طوال اليوم قلقان عليها”.
البنطلون اتقطع
في أغسطس 2017، اتكلمت الفنانة داليا مصطفى على موقف طريف ليها ليلة الدخلة وقالت: “كانت جزمتي ضيقة جدًا” وأخوها في بداية الحفل خد منها الجزمة وشال الفرشة بتاعتها عشان يوسعها لها بس هي مصبرتش وقلعته، ده غير إن جوزها الفنان شريف سلامة اتعرض لموقف محرج وقت الحفل وبنطلونه اتقطع لدرجة إنها قالت “دي ليلة مش فايتة” وفضلوا قاعدين طول الحفلة عشان محدش ياخد باله إن البنطلون اتقطع.
