بسمة بوسيل طليقة الفنان تامر حسني حست بالحرية بعد انفصالها وحياتها تغيرت بدرجة كبيرة ، حتى أنها ستسجيل ألبومها الجديد وهذا طبعا ماكان يرفضه تامر حسني وقالها يانا يا الغنا.
لكن بعد انفصال بسمة وهي متغيره خالص فسح وخروج وصور وكمان لعب وفرحانة بحياتها.. بس ياتري انفصالها خلاها تتغير للأحسن ولا كل الحركات دي غيظ في تامر؟ وايه حكاية الحب الجديد اللي في حياة بسمة؟ معقولة ناوية تتجوز بعد تامر؟.. في الفيديو ده هقولكم على كل الاسرار المخفية في الحياة الجديدة لـ بسمة بوسيل.
ظهرت بسمة بوسيل وهي كلها طاقة وحيوية في الملاهي والجيم، وباين جدا ان حياتها متغيره جداً عن الأول، بقي خروج وغناء وفسح ولعب مع أولادها الملاهي والتغيير ده اكيد ليه اسبابه وهو طبعاً كيد النسا وان قصدها تغيظ في تامر وتقوله: “أنا زي الفل وعايشة حياتي احسن من الاول”، وده اللي خلى كل متابعيها يستغرب، وكتبو ليها تعليقات كتيرعلى حسابها الرسمي انستجرام ، واشهر تعليق لبسمة بوسيل بعد أنفصالها عن الفنان تامر حسني “هو الأنفصال بيحلي كده” .
وفوق كل ده بسمة رجعت للمجال اللي بتحبه بعد غياب 10 سنين، عشان ترضي جوزها السابق الفنان تامر حسني ، وبتستعد بسمة لتسجيل ألبومها الجديد.
بسمة نشرت صورة ليها على حسابها الرسمي انستجرام من داخل استوديو وهي بتسجل اغنية جديدة ، واللي بدأت واتشجعت بعد غناها في فرح صديقتها ميرنا نور الدين بأغنية “مين اللي بيختار” للفنانة هبة توجي.
وبعدها نشرت بسمة صور ليها هي وأولادها في الملاهي، والليآاثار غضب المتابعين ليها علي حسابها الرسمي انستجرام بخصوص ملابسها المكشوفة والضيقة، بسمة اللي كانت مش بتظهر خالص ولما بتتصور بتتصور مع جوزها السابق الفنان تامر حسني ، والتصرفات دي مظهرتش غير بعد انفصالها عن جوزها الفنان تامر حسني .
وده اللي أكد للجمهور كله انها بتغيظه وبتقوله انها مش فارق معاها ، وان هي عايشة حياة سعيدة جداً بأولادها وبرجوعها للكرير اللي بتحبه واللي قعدت منه أرضاءً لرغبة تامر.
وفي الجانب التاني بقي تامر حسني معلقش على اغنية بسمة خالص وتجاهل الموضوع تماماً ، بالرغم ان بسمة كانت بتشجع تامر طول الوقت حتي بعد الأنفصال وخصوصاً بعد عرض فيلم تاج وكتبت منشور وقالتله “الف مبروك يا تيمو ان شاء الله تكسر الدنيا ” وبعدها رد تامر عليها وقالها “يارب يا احلي بسوم انتي عارفة انا تعبت قد ايه في الفيلم ده”.
لكن من بعد ما علقت بسمة بوسيل على فرح هاله عمر مديرة اعمال الفنان تامر حسني واللي أكد حقيقة الخيانة اللي اتعرضت ليها بسمة أثناء جوازها من تامر لما نشرت ستوري على حسابها الرسمي انستجرام “حسبي الله ونعم الوكيل فيكي يا هاله” واتهمتها انها خربة بيتها وهي اللي كانت سبب في أنفصالهم ، وده اللي خلى تامر يبعد عن بسمة وحصل بينهم فجوة كبيرة بسبب الحكايات الاسرية اللي بقت على المفتشر من الطرفين.
والانظار كلها بقت على تامر وان الجمهور زعلان على بسمة و ان هو ليه يعمل كده ! وعشان مين ؟
وطبعاً كل ده عشان يارا السكري اللي ظهرت مع تامر في فيلم الفلوس ومن ساعتها وتامر مرتبط بيها واللي محدش يعرفه ان يارا تبقي صديقة هاله عمر مديرة اعمال تامر ، وعشان كده دعت عليها بسمة ووصفتها بخرابة البيوت لانها هي اللي معرفة تامر على يارا.
وبالرغم ان يارا تجاهلت اشاعة ارتباطها بتامر حسني الا ان بسمة مصممه ان في علاقة بينهم.. وده اللي خلى بعض الناس بتقول أن بسمة كمان بتفكر أنها ترتبط وتتجوز بعد تامر.. لكن في ناس تانية بتقول إن الكلام ده عشان تكيده مش أكتر.
تفتكروا بعد رجوع بسمة بوسيل للغناء تامر ممكن يرجع لها؟ ولا هي ممكن تتجوز وتعيش حياتها؟ وهل حقيقي انفصالها خلاها سعيدة في حياتها؟.. شاركونا رأيكم في التعليقات.
