وقعت مشادة كلامية بين المطرب الشعبي عصام شعبان عبد الرحيم وعامل النظافة محمد، على الهواء خلال لقائهم في أحد البرامج المذاعة على شاشة الحدث اليوم، وذلك بسبب محاولته تصدر التريند دائمًا.
بدأت الأزمة عندما سأل مقدم البرنامج، عامل النظافة عن سر خلافه مع عصام شعبان عبد الرحيم ليجيب قائلًا: “مبحبش أمشي بدماغ حد أنا بعزك وربنا اللي يعلم”، ليرد عليه عصام: “مين اللي قالك تمشي بدماغه ده أنا أكتر واحد بيحترمك في مصر مع إن الناس كلها بتقولي هتبهدل اسم أبوك”.
ليرد عليه عامل النظافة من جديد قائلًا: “بقولك ايه يا باشا معلش أنا بسئ لسمعة والدك؟”.
وتابع: “هو بيقولي انت تحت إيديا وكل واحد عاوزك أنا اللي هوديك لا مش هينفع تجيب حد، فلا يا باشا اللي عاوزني أنا تحت أمره مقدرش أتأخر وأنا اللي عاوزني يتصل بيا”.
ومن ناحيته قال عصام شعبان:” يا جماعة كده محمد بينكر كل اللي الواحد عمله معاه ومحدش يقارني بيه هو صاحبي وأنا بحبه على كده لكن هو مش فنان أنا اللي اخترعتله حكاية الغنا وبقولك يا محمد أزأز واجري”.
وكان كشف المطرب الشعبي عصام شعبان عبدالرحيم تفاصيل هذا التعاون عبر أغنية سيتم طرحها قريبا، من كلمات إسلام خليل وألحان عصام شعبان، وغناء محمد وعصام.
ونشر عصام عبر حسابه: “انتظروني عصام شعبان عبدالرحيم، ومحمد عامل النظافة واسم شهرته الجديد محمد الجدع، في غنوة جديده اسمها از از واجري”.
