كشفت الفنانة ميس حمدان، مواصفات فتى أحلامها، الذي تتمناه، وذلك خلال لقائها في برنامج VIP الذي تقدمه الإعلامية أميرة بدر عبر قناة هي.
وقالت ميس، خلال اللقاء: “انا حبيبة اوي بحب على نفسي، حسيت احساس السند والضهر ولكن مش كامل، لان مجتش المواقف الكافية اللي توريني مدى كفاءة الإنسان اللي قدامي واعتمد عليه، ويمكن عشان كنت صغيرة، وده من كتر اعتمادي على نفسي، اللي هو هيجي هيعمل ايه”.
وتابعت: “ساعات بقول نفسي يجي راجل اتسند عليه ويشيل عني وبعدين أشوف اللي حواليا بيشتكوا بقول خلاص مش عايزة ، ومش عايزة حد يطلع عيني، وعندي يقين إن ربنا يبعتلي إنسان يكون حاجة حلوة في حياتي”.
وأضافت: “بدعي طول عمري، يبعتلي الإنسان الهني الرضي الغني الخلوق اللي اتجوزه واجيب منه الذرية الصالحة التي تكون كاملة خلقا وخلفة ويكون ليا سند واكون له سند وافرح بيه ويخليهولي العمر كله”.
