مهنة الهندسة معروفة انها مهنة العباقرة، وأيضا عمل أصحاب الدماغ العالية، وليس أي أحد يصبح مهندس، وذلك لأن هذا المجال ملئ بالفلوس، لو كنت تعمل في مكتب هندسي أو سافرت أي دولة ستتفاجئ عندما تعرف إن نجوم الشاشة كانوا في الاصل مهندسين، لكن تركوها من أجل الشهرة.
هل حضرتك تعرف إن الفنان يوسف الشريف اتخرج من كلية الهندسة جامعة عين شمس وتحديدا من قسم ميكانيكا دفعة 2002؟ يوسف معروف بتفوقه اثناء دراسة الهندسة، وبعد تخرجه اتجه للفن وساب الهندسة.
كمان الفنان الكبير “سيد رجب” اتخرج هو كمان من كلية الهندسة جامعة حلوان، واشتغل سيد رجب كمهندس لمدة 20 سنة في شركة النصر للسيارات وده السبب اللي خلاه يدخل الفن متاخر.
آسر ياسين اتخرج هو كمان في كلية الهندسة بالجامعة الأمريكية قبل ميتفرغ للفن، كمان المطرب الشعبي محمود الليثي التحق هو كمان بكلية الهندسة بناء على رغبة والده.لكن لما اتخرج الليثي ساب الهندسة واتجه للغناء.
الفنان المعروف “شيكو ” ابوه وامه كانوا الاتنين مهندسين، فالتحق هو كمان بكلية الهندسة حبًا في دراستها، شيكوا بعدما اتخرج بدأ حياته مهندس ميكانيكا في شركة عالمية لكن سابها واتجه للفن.
الفنان هشام ماجد اتخرج في كلية الهندسة جامعة القاهرة واشتغل 7 سنوات كمهندس صيانة في أحد فنادق شرم الشيخ.
الفنان أحمد فهمي التحق بكلية الهندسة لتحقيق رغبة والده لكن سابها بعد 3 سنوات، وقرر فهمي تحوبل ورقه لكلية الاقتصاد والعلوم السياسية، وبعد تخرجه اتفرغ للفن بشكل نهائي.
المفاجأة بقى في الراقصة إيمي سلطان اللي أثارت الجدل بسبب تحولها من الهندسة للرقص، واتعرفت بـ«الراقصة المهندسة» وعلقت على ده قالت إن الهندسة علمتها ترقص بـ المسطرة وعلمتها الانضباط ومنها حطت رجلها على أول سلمة في الرقص.
إيمي سلطان لما اتشهرت اوي قالت إن كل قسم خدت منه حاجة، من الكهرباء اتعلمت الرعشة، ومن الميكانيكا اتعلمت تظبط الزوايا.
اما الفنان علي قاسم فكان بيدرس الهندسة، وسابها علشان يمثل لكن لما سالوه قال انه دخل كلية الهندسة لحبه في الرياضيات والفيزياء وهي دي المواد اللي حبها خلال دراسته في الكلية قبل ميدخل التمثيل.
تخيلوا بقى إن المطرب محمود الليثي مهندس؟ ..الليثي اتخرج من كلية الهندسة قسم ميكانيكا جامعة قناة السويس، واشتغل كمهندس لمدة 6 سنوات.لكن حبه للفن خلاه يسيبها ويدور عن فرصة في مجال التمثيل.
كمان المطرب هشام عباس اتخرج في كلية الهندسة، واشتغل بشهادته 9 شهور، بعدها اشتغل كمهندس صوت ومنها دخل عالم الغناء.
والفنان الكبير فاروق فلوكس هو كمان دخل كلية الهندسة قبل ما بنتسب لكلية الحقوق، فاروق فلوكس قال إنه كان مجنون لما ساب الهندسة ودخل الحقوق بعدما اترفض من معهد السينما.
حسين نصار ابوه كان عنده شركة مقاولات كبيرة فدخل كلية الهندسة علشان يساعده، وبعدما اتخرج مراته كانت بتحضر مشروع تخرجها ومطلوبً منها فيلم قصير، فقام بالتمثيل فيه ومن هنا احترف التمثيل
الفنانة سوزان نجم الدين مهندسة ولسة لحد دلوقتي شغالة في مهنتها الأساسية اللي هي الهندسة المعمارية، سوزان نجم الدين قالت انها بتحب تمارس مهنتها كمهندسة معمارية وبتحس بالفخر ما تشرف على مشروع هندسي.
