عرض الفنان وائل عبد العزيز شقيق النجمة ياسمين عبدالعزيز، الزواج على الإعلامية ياسمين عز مقدمة برنامج “كلام الناس” على قناة أم بي سي مصر.
وكتب وائل، منشور جديد على حسابه الشخصي، عبر موقع تبادل التواصل الاجتماعي فيسبوك.
وقال عبد العزيز، خلال المنشور: عندي فكره اتجوزلكوا ياسمين عز وأصورلكم الجوازه لايف ونشوف هتعمل الكلام ده ولا إيه”.
تثير الإعلامية ياسمين عز، عادة الجدل بتصريحاتها التي تدعم بها الرجال ضد المرأة، والتي كان اخرها: في موضوع بقى منتشر وأنا طالعة أحذر منه انهاردة، ماتجيش أول ما جوزك يقبض الفلوس أو المرتب أو الجمعية أو يجمع له قرشين من خيرات ربنا، تقولي له بقى اديني فلوس أعمل شعري بروتين، بروتين إيه يا مدام ما انتي عايشة طول عمرك بتسريحة الأناناسة، كلنا عايشين بالأناناسة، حبكت أول ما جوزك مسك فلوس في ايده عايزة تاخدي كبشة وتروحي تعملي بروتين لشعرك، لغوا البروتين مضروب في السوق، اسمعي مني أنا مذيعة، هو مش كويس ومضر بالصحة وبفلوس جوزك”.
وأضافت: أقول لك أنا تعملي ايه، تجيبي بطة، وتعملي صينية بطة بالبرتقال، دا اللي هيفيدك، انما البروتين لشعرك عمره ما يفيدك، دا كسبتي جوزك واتغذيتي بروتين طبيعي، اللحم يعني بروتين، وخدتي فيتامين c من البرتقال، يفيد البشرة والشعر، وأنتي قمر وهو بدر منور، أوعي تفكري أن انتي أحلى منه، هو حلو بردو، محدش يجيب سيرة البروتين، وبلاش التقاليع الجديدة وجاية لنا من برا غلط.
