“الفنان “يحي الفخراني” مكشوف عنه الحجاب”.. هذه العبارة التى اطلقها عدد كبير من الجمهور بعد الكشف عن تفاصيل الأيام الأخيرة من حياة الساحر “محمود عبد العزيز” وسر رحيله عن الحياة.
يا ترى كيف رحل الفنان الكبير “محمود عبد العزيز” ، ومن هو الذي اتنبا برحيله، وما علاقة الفنان “يحي الفخراني”؟..تفاصيل مثيرة، ومعلومات هنعرفها في التقرير التالي:
تاريخ فني كبير بدا مبكرا
الساحر محمود عبد العزيز، اللي غادر عالمنا في 12 نوفمبر سنة 2016، ساب وراه تاريخ فني كبير قدم خلاله مشوار طويل وشاق، وكمان أدوار ناجحة لسة الجمهور المصري والعربي متعلق بها لحد دلوقتي.
سر مكالمة يحيى الفخراني وكيف تنبأ برحيله
واللي ميعرفوش عدد كبير من الجمهور إن رحيل الساحر كان فيه تفاصيل واسرار كبيرة منها إن الفنان الكبير “يحيى الفخراني” سبق له الكشف من خلال تصريحات قديمة عن تفاصيل مكالمته الأخيرة مع الراحل محمود عبد العزيز، وقال الفخراني إنه اتصل بمحمود قبل رحيله بأيام قليلة علشان يطمن عليه.
عبارة قالها الساحر أوجعت الفخراني
الفخراني المغروف بطيبة قلبه وعلاقته بربنا قال إن في المكالمة دي “محمود عبد العزيز” قاله “إنه موجوع اوي، ويتمنى يرحل، ومش عاوز يبقى كويس”، فرد عليه الفخراني قاله “متقوش كده لازم تقاوم ويكون عندك ثقة في ربنا وفي اللحظة دي حس الفخراني إن صديقه هيرحل بعدها بكام ساعة وبالفعل رحل في الميعاد اللي قال عليه.
مرحلة اكتئاب وسر يأسه من الشفاء
الفخراني بيقول إن في مكالمته مع محمود عبد العزيز جاله إحساس إن كلامه له مش مفيد، وإن “محمود” وصل لمرحلة يأس كبيرة من شفائه، علشان كدة هو كان عارف إنه مش هيعيش كتير وهيرحل وقد كان.
كان “الساحر” قد رحل عن عالمنا بعد إصابته بكانسر الفك اللي انتشر في أجزاء كتيرة مز جسمه عن عمر ناهز السبعين عام .
“محمود عبد العزيز” كان دخل عالم الفن من بوابة مسلسل “الدوامة” مع نيللي ومحمود ياسين سنة 1973، وقتها ظهر “محمود” في دور صغير، قبل ما ياخد دور أكبر في فيلم “الحفيد” اللي اتعرض بعدها بسنة في 1974 للفنانين عبدالمنعم مدبولي وكريمة مختار وغيرهم من النجوم.
والده رفض دخوله التمثيل وطرده من المنزل
ورغم تألق الفنان محمود عبد العزيز في التمثيل، إلا إن من ضمن الأسرار اللي اتكشفت عنه إنه دخل عالم الفن بدون رغبة والده، وقال محمود نفسه في أكتر من لقاء إنه اكتر من مرة عرض على والده السماح له بالتمثيل لكن في كل مرة كان بيرفض، لدرجة إن والده لما زهق منه قام بطرده من البيت.
“محمود” قعد فترة طويلة مخاصم والده بسبب رغبته في دخول عالم الفن، لكن لما بدا اول ادواره طلب من أحد قرايبه التدخل للصلح بينهم، وده اللي حصل بالفعل، بعدها انطلق “محمود” في عالم الفن، وبقى واحد من أشهر نجوم السينما.
وصية والده التي لم يلتزم بها
“محمود” قال كمان إن والده في أيامه الاخيرة قبل رحيله وصاه وصية مهمة لم يلتزم بها كتير.. بيقول إن والده وهو بيودع طلب منه يختار أدوار هادفة تليق به، وكمان تليق بإسم عيلته، ولما عمل الفنان محمود عبد العزيز فيلم “الساحر” ناس كتير فكرته بوصية ابوه اللي خالفها بسبب المشاهد الجريئة اللي اتعملت في الفيلم وغيرها كتير.
الدكتور يصدمه “مش هتعيش كتير يا محمود”
من ضمن أسرار محمود عبد العزيز إنه في مرة جاله تعب شديد فعرض نفسه على دكتور، وفي العيادة الدكتور صدمه بإنه مش هيعيش كتير بسبب الوجع الخطير اللي في جسمه فدخل في مرحلة اكتتاب كبيرة في أيامه الاخيرة ليرحل في 12 نوفمبر سنة 2016 وعمره 70 سنة.
عرفتوا ازاي الفنان “يحيى الفخراني” تنبأ برحيل محمود عبد العزيز وليه الناس قالت عليه إن فنان مكشوف عنه الحجاب.. عاوزين تعليقاتكم.
