فيديوهات صادمة ظهرت مرة واحدة لهنا الفقى، ابنة الفنانة شيرين عبد الوهاب، فيها ظهرت البنت بملابس ضيقة وترقص في الحمام، وملابس جريئة، بخلاف أنه كان فيه فيديو ثانى ظهرت وعنيها وارمه فيه على الاخر، تحس أنها تعرضت لمشاكل كبيرة أو بتتعاطى حاجة.
إيه سر الفيديوهات الغريبة لأبنه شيرين عبد الوهاب اللي مكملتش 18 سنة؟ هول بتتعاطى ممنوعات ولا فيه تفسير تانى لورم عينها؟ .. كل ده وأكتر هنعرفه مع بعض في التقرير التالي:
خلال الساعات اللى فاتت مكنش فيه كلام على السوشيال ميديا غير على هنا الفقى، ابنة الفنانة شيرين عبد الوهاب اللى تصدرت التريند بسبب فيديوهات مثيرة نشرت لها على السوشيال ميديا، واحد من الفيديوهات دى ظهرت فيه هنا وهى بترقص بملابس جريئة ومش تطلع من بنت مكلتش 18 سنة، الغريبة أن محدش عارف هي كانت فين ولا هي هي سهرانة في مكان عادي ولا ديسكو ولا في وعيها ولا لاء.. لكن الظاهر أنها كانت بترقص وشكلها مبسوط خالص.
ده بخلاف أن كان فيه فيديو تانى نشرته هي بنفسها على تيك توك، ظهرت فيه البنت وعنيها وارمة على الاخر، وده اللى خلى ناس كتير على السوشيال ميديا يوجهوا كلام بأنها بتتعاطى حاجة ولا إيه سبب ظهور الورم ده على وشها، والبعض رجح أنها ممكن تكون بتتعاطى حاجه فعلا.
بس الحقيقة كشفت عنها ابنة شيرين عبد الوهاب بعد الفيديو بكام يوم، وضحت وقالت الورم اللى كان على وشها ده ماكنش ورم ولا حاجه ده كان جزء من ميك اب الهالويين، وهى عملت كده احتفال منها يعنى مش أكتر.
طيب ما علينا من الورم اللى على وشها، إيه الفيديو الغريب اللى اتنشر ليها ده وهى عماله ترقص وتحزق في الحمام، ناس كتير على السوشيال ميديا طلعوا يتكلموا على الفيديو لدرجة أنه خلى البنت بقيت تريند مواقع التواصل الإجتماعى، منهم اللى صعب عليه شكل البنت والحالة اللى ظهرت بيها، ماهى لسه عيلة صغيرة بردوا واللى ظهرت بيه ده مايصحش خالص.
والبعض قال ان السبب شيرين عبد الوهاب نفسها هى اللى عملت في البنت كده وسيباها بدون ما تاخدش بالها منها، فاضية بس لحسام حبيب، اللى كل شويه يتجوزا ويطلقوا لحد ما الموضوع بوخ خالص، ده مش كلامنا احنا ده كلام الناس على السوشيال ميديا.
المهم، نرجع لموضوع البنت وفيديو الرقص اللى اتنشر ليها، بعد ما البعض قال أنها ممكن تكون عملت كده بسبب الفنانة شيرين عبد الوهاب وعلاقتها بحسام حبيب، خرج ناس تانيين على السوشيال ميديا وقالوا ما يمكن البنت هي اللي عملت كدة بنفسها وعايزة تكون زى البلوجر والمشاهير على السوشيال ميديا، اللى بيعملوا حركات وفيديوهات غريبة عشان يتشهروا والناس تعرفهم وتتكلم عليهم.
وبالفعل البنت فعلا بعد الفيديوهات بتاعتها دى، كل الناس على السوشيال ميديا اتكلموا عليها، وياريتهم اتكلموا عليها كويس، ده في الأغلب الكلام كان مش في صالحها خالص، على العموم ده اللى حصل معاها.
الغريبة هو رد فعل والدتها اللي معلقتش على الفيديوهات بتاعة بنتها بل بالعكس كانت بتظهر معها في بعض الفيديوهات وده اللي خلى الناس تسأل فين الرقابة عليها هي لسه بنت صغيرة.
لحد هنا ونكون وصلنا لنهاية الفيديو، وقبل مانقفل عايزين نعرف من حضراتكم رأيكم إيه فى اللى عملته هنا الفقى، ابنة الفنانة شيرين عبد الوهاب، هل أنتم موافقين البنت في فيديوهات الرقص اللى عملتها ولا لأ؟ .. اكتبوا في التعليقات.
