كشفت الفنانة فيفي عبده، تفاصيل الأزمة الصحية التي تعرضت لها خلال الفترة الماضية، وذلك خلال لقائها في برنامج كلام الناس الذي تقدمه الإعلامية ياسمين عز عبر شاشة قناة mbc مصر.
وقالت فيفي عبده: تعرضت في الفترة الأخيرة لوعكة صحية شديدة لمدة 4 سنوات بسبب اخذها لحقنة بشكل خطأ تسبب في أضرار بالعصب، موضحة: أنا زعلانة من جوزي أوي أوي أوي أوي أوي ..خمسة أوي ، لأن هو السبب في تعبي لما قالي سيبي الراجل اللي بيديني الحقنة، هو عارف شغله.
ومن الجانب الآخر سخرت فيفي، من كيم كارداشيان بسبب مظهرها والحفاظ على رشاقتها قائلة: “فيه ميكانيكي تحت رجليها عشان كده محافظة على مظهرها، وهي كاريزما، وكلهم بيقلدوها، وجورجينا كمان لذيذة.
وأوضحت عبده، في نفس اللقاء: مكنتش أحب أبدا أقول لحد على سر الحج والعمرة اللي عملتها وأنا متجهة لربي سبحانه وتعالى من 37 سنة، وربنا هو اللي هيديني المكافأة مش العبد، ومش بعمل للعبد علشان يقولي حرام ولا حلال بس عايزة أقول كفاياكم بقى أنا زهقت من كلامكم كل شوية تقولوا الرقص حرام، مش أنا اللي اخترعت الرقص وكأن أنا اللي اخترعته مع الفراعنة الرقص ده فن ومحترم.
وأكملت: “محدش له باتجاهي مع ربنا وأول مرة أعمل عمرة كان من 37 سنة ومليش دعوة بالفلوس حرام ولا حلال، واللي يفتي فيها بتاع الدين، هو فيه حد بيقف قدام باب الجامع يقول ده يخش ولا ميدخلش”.
وواصلت: “أنا ماشية بما يرضى الله ومبظلمش حد وإذا كنت اتجوزت ده حلال ربنا وعملت عمرة وحج زي أي مسلم، وأنا راضية ومرضية من جوايا جدا.
اقرأ أيضًا: التطبيق الأحد.. قرار عاجل من التموين بشأن أسعار الخبز
