تداول رواد مواقع التواصل الاجتماعى حديثا نادرا للفنانة سعاد حسنى مع الكاتب منير مطاوع.
وقالت سعاد خلال حديثها: «اتصلت بيا (فلانه) ولقتها بتقولي يا سعاد اتحجبي بقا عشان ربنا يشفيكي والتانية تقولي اتحجبي وفيه أمير هيجبلك فيلا في مصر وهيعالجك ويصرف عليكي».
وأضافت: «تعرف انا عارفه الجماعات دي عاوزه إيه، وعارفة أن الشيوخ دافعين فيا مبلغ وقدره عشان أي واحده فيهم تخليني أعتزل واتحجب وأقول الفن حرام، تصدق الفن إللي ضيعت فيه عمري وإللي هو بيتقاس منه تقدم الشعوب أنكره وأقول عليه حرام !، دا حتي ربنا يزعل مني أوي وأبقى واحدة لمؤخذه مش كويسة، هو ينفع نقفل الأوبرا ونقول البالية حرام ونحرق أغاني أم كلثوم أو أو مثلا أفراحنا تبقي من غير أغاني وزفه و موسيقي؟».
واستكملت: «واحدة قالتلي يا سعاد أنا معايا فيزا للسعوديه اتنقبي وقابليني هناك وتختفي عن الصحافه وتقوللهم توبت»، مختتمة :«بقيت مزاد يا منير والكل عاوز أعلي سعر أنا لو هروح بيت ربنا عاوزه أروح بفلوسي وعلي رجلي وأنا في كامل صحتي عشان أدعيله من قلبي مش بفلوسهم».
