حلت الفنانة انتصار، الساعات الماضية، ضيفة مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير يوتيوب.
وخلال اللقاء، قالت انتصار: ” واحد قالي يا سافلة يا مستبدة عشان موقفتش اتصور معاه على كوبري أكتوبر.”
رد فعل صادم من انتصار تجاه معجب
وتابعت انتصار: “في معجب تاني بعتت لي شتيمة وصور على الواتساب، فاخدت اجراء قانوني ضده، وقدمت شكوى بمباحث الانترنت، لإن إحنا مش هنعيش العمر كله نعمل بلوك.”
واضافت: “عنده 27 سنة، وسجنته ومقابلتش أهله، اللي قده معاهم عيال، فمش ذنبي إنه مش متجوز، ولا إن أهله مش مربينه”.
واختتمت: “ممكن أتنازل عن بلاغي ضده عشان أحبس واحد تاني، إحنا أهالينا تعبوا معانا وربونا، فطلعنا منضبطين، اللي زي ده مترباش.”
وفي وقت سابق، وجهت الفنانة انتصار، مجموعة من النصائح التي يجب على الرجل اتباعها خلال لقائه الأول مع حبيبته، وذلك خلال برنامجها “من غير نفسنة” الذي تقدمه مع الفنانة بدرية طلبة ونوليا، عبر شاشة قناة “هي”.
وقالت انتصار: “اللقاء الأول ده يا إما هنكمل مع بعض يا إما مش هنكمل القاعدة مش العلاقة، وأوعوا تقابلوا بعض وتقولوا عشاء أو غداء”.
وأضافت: “وأنت إياك تعزمها على غداء أو عشاء، لأ تقولوا هنشرب حاجة مع بعض، علشان لو أنت قعدت معاها واتضايقت من حاجة زي مثلًا نبرة صوتها تفاهتها أو ريحتها، متدبسش في 6 ساعات، لكن هتشرب حاجة في نص ساعة وتقولها هشوفك بقى وتليفونات، ده لو أنت اتخنقت نتيجة غباوتها وعينك مش طايقة تشوفها.”
اقرأ ايضا:
«أنا طول عمري ملكة جمال».. انتصار تفاجئ الجميع بتصريحات مثيرة
