عرفت للناس بعد ارتباطها بالفنان احمد فاروق الفيشاوي، وعندما ظهرت معه عرفت أكثر بقبلة جريئة أمام كل المصورين.
من وقت للتاني بتطلع بتصريحات جريئة، ولما انفصلت عن الفيشاوي اسرارها بدات تطلع على السوسيال ميديا. هي سيدة الأعمال “ندى الكامل” اللي أثارت الجدل من جديد على السوشيال ميديا بعبارة شديدة وقاسية.
ندى معروفة بجراتها الكبيرة في كلامها ولبسها، من كام ساعة كتبت على انستجرام عبارة قالت فيها ” رميتك زي ما لاقيتك”.ومن بعدها والجمهور بيسال يا ترى تقصد مين، وإيه الكلام اللي قالته من غير ما تذكر اسم الشخص اللي بتقصده؟.
ندى الكامل في الاستوري الخاص بها كتبت لمتابعيها وقالت: «رميتك زي ما لاقيتك»، وسط حيرة من الجمهور بخصوص الشخص اللي تقصده هل طليقها السابق أحمد الفيشاوي ولا المطرب الشعبي عمر كمال.
عبارة “ندى” جت بعد ساعات قليلة من انتشار صورة ليها مع الفنان عمر كمال وحسن شاكوش وخطيبته الجديدة.
علاقة جديدة مع ويجز
ندى الكامل معروفة بعلاقاتها بعدد كبير من المطربين الشعبيين، ومن كام يوم علقت على أغنية للفنان ويجز قالت ان اللي بيفسده العالم ويجز بيصلحه، وقالت انها معجبة بصوت ويجز الساحر.
التعليق ده خلى المتابعين يربطوا علاقتهم ببعض، وواحد منهم سألها وقال “إنتي وويجز هتعملوا ثنائي قوي»، لترد ندى عليه قالت “يجز ده حبيب الناس كلها».
قلبي اتخطف ومبسوطة
في نص يناير اللي فات كانت ندى الكامل كتبت على صفحتها الشخصية عبارة قالت فيها” قلبي اتخطف ومبسوطة».بعدها جاتها تعليقات كتيرة على خبر ارتباطها، بعد فترة التعب النفسي اللي حصلت لها بعد انفصالها عن الفيشاوي.
وعن مواصفات فتى أحلامها وأكثر حاجة وجعتها في السنة اللي فاتت ردت وقالت ان معندهاش مشكلة تتجوز تاني.لكن علشان تتجوز قالت ان شرطها يكون راجل زكي وجميل وتعليمه جيد ومشغول دايما ودمه خفيف، ومش بتفكر دلوقتي غير في انها تكون مبسوطة.
وعن الحاجات اللي ندمت عليها قالت إن الصبر اللي عندها وطولة بالها سبب ندمها، لانها باردة اوي ومش بتعصب غير كل 4 سنين مرة، عشان كدة هي مش بـتهين حد حتى لو مضايقة وبتسكت كتير.
ام لتلات بنات وسيدة اعمال شاطرة
“ندى الكامل” لاعبة نبالة مصرية مثلت مصر في إولمبياد لندن سنة 2012، وهي من مواليد شهر أغسطس سنة 1990 وام لتلات بنات،
بتشتغل ندى الكامل سيدة أعمال في مجال الأحذية والعقارات وتجارتها بالملايين.ظهرت لاول مرة مع أحمد الفيشاوي، في العرض الخاص لفيلم «عيار ناري» اللي كان ضمن مهرجان الجونة بحضور روبي.
مليون جنيه لتكشف أسرار الفيشاوي
“ندى” كانت سبب في قصة كبيرة وغريبة بعد انفصالها عن الفيشاوي لمأ اتنشر كلام عن طلبها مبلغ مليون جنيه مقابل ظهورها في البرامج التلفزيونية.
وفي الحكاية الناس نسبت ليها كلام انها طالبة مليون جنيه علشان تتكلم عن اسرار زواجها من الفيشاوي، لكن هي نفت ده وقالت انها مش محتاجة فلوس لأنها سيدة اعمال وتجارتها معيشاها ملكة.
وكتبت عن الخبر ده قالت انه خبر بائس مش صحيح، ومش محتاجة فلوس علشان تعمل كدة ومفيش حد يجبرها تعمل دة لانها أغلى من المبلغ بكتير، وبتحترم صداقتها بالفيشاوي.
علاقة سمية الخشاب بانفصال ندى عن الفيشاوي
كانت في اخبار كتيرة اتقالت عن وجود علاقة لسمية الخشاب في انفصال ندى الكامل عن احمد الفيشاوي. و”سمية” وضحت موقفها وقالت انها اتعرفت على “ندى” من خلال أصدقاء مشتركين، وسبق ليها تقديم نصايح لندى بعد خناقاتها الكتيرة مع الفيشاوي عشان تهدي الامور بينهم.
كمان “سمية” كانت شاهدة على خناقة حصلت قدامها بين ندى والفيشاوي في حفل ختام مهرجان الجونة.وقتها اتدخلت “سمية” لوقف خناقتهم وطلبت منهم الهدوء لتواجدهم في حفلة عامة وقالت لهم “عيب انتوا في مكان عام ميصحش كدة!”.
