من كام سنة ظهرت فنانة جميلة على الشاشة قيل إنها شبه الفنانة ليلى علوي وكأنهم كننسخة طبق الأصل من بعض هذه الفنانة كانت منتشرة جدًا وظهرت في برامج أطفال.
وعملت كذا مسلسل وفيلم وهي صغيرة ومشاركاتها في المسلسلات عدى الـ400 عمل لكن بعد الشهرة الكبيرة دي اختفت فجأة ومحدش سمع عنها خالص بس بعد 20 سنة رجعت ظهرت تاني وكان شكلها متغير خالص ولبست حجاب، وحكايتها كاملة بقى هتسمعوها في الفيديو ده، خليكوا معانا.
بداية ظهورها
الفنانة دي ظهرت في أوائل السبعينات في برامج الأطفال في التلفزيون والإذاعة وقدمت أفلام ومسلسلات لحد بداية التمانينات وشاركت في مسابقة في التليفزيون واختاروها تكون بين الأطفال في برنامج اسمه “عصافير الجنة” وكمان شاركت في فرقة أنشئتها الفنانة إنعام الجريتلي مع الفنانين ممدوح عبد العليم ومحسن محيي الدين وأحمد سلامة وعبدالله محمود، وبعدها شاركت في حلقات “عصفور السعادة” مع الفنانة سوسن بدر، وبرنامج الأطفال “ميم سبعة” لحد ما اختفت عن الوسط الفني واتضح إنها اتجوزت وخلفت، إزاي وهي بقت نجمة لدرجة إن الفنانة عبلة كاملة قالتلها إنها بتغير منها بس الغيرة المحمودة زي ما قالت مش الغيرة إياها.
ذهاب وعودة
بطلة الحكاية هي الفنانة هالة أنور اللي ظهرت في مقابلة تلفزيونية من فترة وكان شكلها اتغير تمامًا عن الأول وقالت إنها خدت قرار الابتعاد عن الوسط الفني وهي في ثانوية عامة، واتخطبت وهي عندها 16 سنة لحد من الوسط الفني مش هينفع تقول ممين عشان اتجوز وخلف بقى خلاص، وهو اللي أقنعنها تبعد عن الفن بحجة إنها عملت كل حاجة وفيه حياة وبيت جايين بعد كام شهر وهكذا لحد ما لاحظت الاختلاف في وجهات النظر وانفصلوا.
طبعًا كل اللي حواليها كانوا ضدها في خطوة إنها تسيب الفن دي ومامتها زعلت جدًا وحاولت ترجعها للفن بس وقتها اتكسفت تقول إنها فسخت الخطوبة وعايزة ترجع تاني، رغم إن الكاتب الراحل أسامة أنور عكاشة كان متبنيها وكان أول واحد معارض ابتعادها وحتى بعد ما اتجوزت كان بيقنعنها ترجع.
وشهادة حق هالة قالت إن جوزها مطلبش منها تبعد وهي اللي خدت القرار حتى بعد رجعت تاني في التسعينات بعد 7 سنين من جوازها مكنش عنده اعتراض، وكانت بتقول للقريبين منها إنها عايزة ترجع للفن، وأول حد عرف وقتها كان المنتج الراحل رياض العريان وعملت معاه مسلسل أفواه وأرانب، وصورته في اليونان، وكمان مخرج سهرة “ابتسامة الجيوكندا” قالها أنا كان حلمي من وأنا مساعد مخرج إني أبقى مخرج علشان أشتغل معاكي ودلوقتي حلمي اتحقق، بس رجعت اختفت تاني عن الفن لمدة 20 سنة طيب ليه؟.
الاختفاء الأطول
اختفت هالة أنور عشان ملقتش مكان لنفسها وسط الفنانين وقالت إن الإنتاج بقى أكتر وفي فنانين كتير ظهروا ومبقاش حد يطلبها وعشان طبعها من صغرها بتتكسف جدًا مقدرتش تروح شركات الإنتاج تقول عايزة اشتغل، رغم نجاحها اللي خلى الفنانة عبلة كامل تقولها من كتر حبي في أدوارك أنا بغير منك، لحد ما كانت المفاجأة بقى مع ياسر جلال.
حكايتها مع ياسر جلال
واشتغلت هالة أنور من قريب مع ياسر جلال في مسلسل ضل راجل، ووقتها جاتلها مكاملة منه واتخضت لما لقيت اسمه لدرجة إنها كانت فاكرة إن الأسماء متشابهة، وقالتله انت لسة فاكرني؟ قالها في حاجات مينفعش تتنسي وإنتي عملتي مسرحية مع بابا وقالي تفاصيلها حتى اسمك فيها فاكره كان شفق ووقتها، وبلغها إنه استأذن الإنتاج تكون معاه في المسلسل.
