خلال الساعات الماضية تصدر فيديو للفنانة منى فاروق، محركات البحث على مواقع التواصل الاجتماعي، بعدما هاجمت لاعب كرة قدم شهير، واتهمته بالإساءة إليها، وترويج شائعات بارتباطهما.
وخرجت منى فاروق في بث مباشر على صفحتها الشخصية على إحدى منصات التواصل الاجتماعي، لتهاجم لاعب كرة قدم لم تذكر اسمه، إذ تحدثت في الفيديو المتداول، عن لاعب كرة قدم وصفته بأنه “ما يعرفش ربنا”، فيما انتشرت له فضيحة مؤخرًا، أشارت إلى أنها كانت زواجًا سريًا، ظهر بعد تسريب مكالمات سرية للزوجة السرية، وخلال التحقيق مع الفتاة، علمت منى أن الفتاة قالت نصًا في التحقيقات “ده كان مرافق منى”.
وتابعت:” بغض النظر إنها متعرفش عني حاجة، علشان هي ولية وأنا مش هتكلم عن الولايا، عشان أنا ضد إني أتكلم على ولية، فأكيد هو المريض النفسي هو اللي اتكلم عليا، وأكيد هو اللي فهمها إن أنا اللي بجري وراه وبحبه، مش مدياله بلوك ومدياله بالجذمة”.
وأشارت منى فاروق إلا أن اللاعب المعني بالكلام متزوج، وسبق وأن طلب منها أن تكون معه في علاقة غير رسمية، لتعلق:” لما هو اتجوز وجه قال نتصاحب، اديته بالجذمة”.
طلب زواج من لاعب شهير
وأضافت أن اللاعب كان مهووسا بها ويلاحقها، حتى أنه تبعها للساحل الشمالي، وكان يتقرب من والدتها ما عبرت عنه فاروق بتقبيل اليدين، رغبة في قبولها طلب زواجه منها.
لتستطرد كلماتها:” أنا مكنتش شايفاه، علشان عيل صغير وأصغر مني، ومش عاجبني، وقولتله إحنا مش هنرمرم ومش هاخد عيل صغير، فراح بقى صاحب واحدة ياعيني ومقعدها في أوضة، مش عارفة اتجوزها ولا ايه، الله أعلم، والبت بقى وهي بيتحقق معاها بقى، ولا في المكالمة اللي اتسربتلها قالت ده كان مصاحب منى، وحتى منى معجبتهوش، وكانوا مع بعض في رمضان، واستغفر الله العظيم يارب، أهو ده بقى رمي محصنات وجهر بالمعصية”.
جهر بالمعصية وقذف محصنات
وتابعت منى:” ده اللي اسمه فسق وفجور، لعيب الكورة ده ما يتحاسبش ليه”.
لتتابع في نفي للعلاقة غير الأخلاقية التي وسمت بها، في توضيح أنها كانت مرتبطة باللاعب وكانا على وشك الزواج، ولكن ما منعهما من اتخاذ خطوة الزواج هي أنها رفضت فارق السن بينهما، ولكن بسبب إصراره المستمر وافقت على إقامة فترة خطوبة، ولكن لم يستمر الأمر طويلًا.
خطيب سابق
أضافت قائلة: “اكتشفت إنه بتاع نسوان، وقليل الأدب، وبيشرب حاجات مش ولا بد، وساعتها سيبته”.
وأشارت إلا أن هناك فئة من الناس تتهمها بأنها كانت على علاقة غير رسمية معه، لتنفي قائلة:” ما برافقش حد، أنا لما برتبط بحد برتبط بيه قدام الناس كلها، وبما إن اللي وصله المعلومة قال كدا فهو شافنا مع بعض، بمعنى إن احنا مرتبطين، لأن أكيد مش هنظهر قدام الناس وإحنا متصاحبين، اتقوا الله”.
لتوضح أن لاعب الكرة الذي تشير إليه هو خطيبها الثاني، إذ سبق لها الخطوبة مرتين، لتشير إلى أن المعني بكلامها لاعب كرة متزوج حديثًا، لتنهي حديثها:” حسبي الله ونعم الوكيل فيه علشان بيتكلم عليا، وأنا لو شوفته في حتة هديله بالجذمة على وشه لو شوفته صدفة”.
https://x.com/antiekhwan/status/1875249068907364454?ref_src=twsrc%5Etfw%7Ctwcamp%5Etweetembed%7Ctwterm%5E1875249068907364454%7Ctwgr%5E4cd0b390fd4f25c9a10628f58c6c7aa7b8531b4f%7Ctwcon%5Es1_&ref_url=https%3A%2F%2Fwww.egypttelegraph.com%2Farticle%2F105973%2FD985D986D989-D981D8A7D8B1D988D982-D8AAD987D8A7D8ACD985-D984D8A7D8B9D8A8-D983D8B1D8A9-D8B4D987D98AD8B1-D982D984D98AD984
