حل الفنان كريم فهمي، الساعات الماضية، ضيفا مع الإعلامية لميس الحديدي في برنامج “كلمة أخيرة”.
واستعاد فهمي ذكريات بداياته، متحدثًا عن كفاحه في عمر 16 سنة، والعمل في أكثر من مهنة للإنفاق على نفسه بعد انفصال والديه، قائلًا: «اشتغلت حاجات كتير جدًا… كنت مساعد مدرس إنجليزي، أراقب الطلبة، ولو فيه طالب ضعيف كنت بأخده أشرح له لوحده””.
كريم فهمي يكشف مفاجأة عن مهنته قبل التمثيل
وتبع: “واشتغلت كمان «اشور»، ووزعت برشورات في المولات علشان أعرف أصرف على نفسي.. كانت فترة صعبة، وأنا عندي 16 سنة».
وأضاف: «الفترة دي كان فيها دروب مادي على مستوى العيلة بعد انفصال والدي ووالدتي، وكان لازم أعتمد على نفسي، والحاجات دي علمتني وخلتني بنيت شخصيتي كراجل قبل ما أكون فنان… وعمر ما كنت هعرف أعمل دور واحد شعبي أو بسيط إلا لما أكون عشت الحياة دي فعلًا».
وفي نهاية الحلقة فاجأ كريم فهمي لميس الحديدي بلفظة جريئة منه ليُجاملها ويحرجها على الهواء، إذ قال لها: «أحب أقولك أنتِ إيه العسل ده»، وسعدت لميس من طريقته الراقية في الممازحة، وقالت له: «إيه الجمال ده نسمع إليسا يا جماعة».
وخلال الحلقة تحدث كريم عن ياسمين عبدالعزيز، إذ قال عن شخصيتها قال:«أنا مش هتكلم عن شطارتها في التمثيل، لكن هي كاريزما ماشية على الأرض، شخصيتها عظيمة جدًا، وعلاقتنا زي ناقر ونقير.. مش دايمًا متفقين، بنقفش على بعض ونهزر بعدها، بس في الآخر أصحاب جدًا. ساعات نقفش ومانتكلمش أسبوع، ونتجنب نبص في عنين بعض لاننا هنضحك محدش فاهمنا!».
اقرأ أيضاا:
