حل الفنان أحمد عز، الساعات الماضية، ضيفا في برنامج بودكاست Big Time مغ الإعلامي عمرو أديب، والذي كشف فيع عن أسرار حياته الخاصة.
وبسؤاله: ليه البنات بتحب أحمد عز؟ علق الفنان:”والله ما اعرف وفي بداياتي لما كنت اخش السينما لأفلام ليا زي مذكرات مراهقة وسنة أولى نصب وحب البنات، لما أخش السينما من هنا الاقي ريحة البرفيوم مغرقة الدنيا”.
“كل البنات بتحبك ليه؟”.. رد مفاجئ من أحمد عز
وتابع: “وانت افلام بتاعتي في سينما ميامي لم يحضر أحد انزل وسط البلد يحطولي صورة ولقيت مستوي الايرادات مش كبيرة فعرفت ان فيه بنات بتحبني بس فيه شباب شايفيني اني مش شبههم خالص مش بيتوحدوا معايا وينزل فيلم لواحد تاني بعد مني الاقي عليه اقبال كبير، وده عملي عطلة في الأول وعلشان كده عملت افلام اكتر للشباب”.
وأضاف:” بس حب البنات ليَّ ما أعرفش سببه بس ده من كرم ربنا وحب الناس لا يقدر بالملايين، بس نقطة حب البنات أقسم بالله عمرها ما شغلت تفكيري ولكنها نعمة ربنا يديمها”.
واختتم: “أنا أبسط بكتير أوي وأخيب بكتير أوي مما حد يتخيل مش الواد الحلانجي أخيب مما أتخيل وما بعرفش أذوق الكلام يعني أنا مش الواد بتاع البنات وده من صغري”.
وخلال اللقاء كشف أحمد عز عن موقف محرج في بداية حياته المهنية.
وقال عز: “اول مشهد ليا اتعاد ٥ مرات، والامر كان محرج للغاية خاصة امام فريق العمل، وجاء احدهم وقال لي من رأيي متشتغلش خليك في الفنادق.”
وتابع: ” عملت في استقبال الفنادق، واترقيت ووصلت لدرجة عالية وفي عام ١٩٩٥، كان مرتبي ٧ الاف ونصف، وبعدها وجدت ايناس الدغيدي تطلب مني وان أقوم بعمل مذكرات مراهقة، وطلبت اجازة من الفندق رفضت، فقررت اعمل الفيلم وقدمت استقالتي، وحينما علم والدي غضب مني كثيرا ورفض اعطائي اموال.”
اقرأ ايضا:
