حالة من الجدل الواسع شهدتها مواقع التواصل الاجتماعي، الساعات الماضية، بعد إعلان طلاق الثنائي هنا الزاهد وزوجها أحمد فهمي.
وأعاد رواد مواقع التواصل، تداول آخر تصريحات لهنا الزاهد وأحمد فهمي، قبل الطلاق، خلال وجودهما مع الإعلامية إسعاد يونس.
«كنت فاكراه عبيط».. آخر كلمات هنا الزاهد وأحمد فهمي قبل الطلاق
وقال أحمد فهمي خلال اللقاء: ” “كنت رايح أحضر عرض خاص لفيلم حرب كرموز بعد دعوتى من أمير كرارة”، متابعا: “حبيت أعمل نمرة ولبست نظارة شمس بس محدش عبرنى”.
وأضاف فهمى: “وأنا معدى من قدام هنا قالتلى عامل كده ليه، قلتلها بعمل نمرة بس”، لترد هنا ساخرة: “كنت فاكراه عبيط”.
فيما قال فهمي: “من الصعب أن تجد (ميكس) العيون الملونة والشعر الأشقر في مصر طبيعيا، وفي حالة أنه شعر مصبوغ وعدسات لاصقة فهي (بيئة)”
فيما تحدثت هنا الزاهد عن كواليس تعاونها مع أحمد فهمي في الأعمال الفنية قائلة: “بخاف منه جدا في التصوير، لإنه في الشغل متوتر جدا ومش بيحب الغلطات، لكن بيراعي إنه ميزعلنيش أو يزعل الناس اللي حواليه”.
وفي وقت سابق، قالت هنا الزاهد: “شهر العسل باظ وكان أوحش حاجة حصلتلي، ووصلت فيه لـ 47 كيلو وجالي حصاوي على المرارة وكنت تعبانة جدا، بس خلاص هو قضاء وقدر.”
وتابعت: “عشان أنت اخترت تكون ممثل لازم تستقبل كل اللي هيتقال عليك، بس أنا بصراحة بتأثر ولما بقرأ حاجة بتضايق عشان أنا إنسانة، ولما بلاقي كومنت وحش بتأثر جدا وبقول لـ أحمد”.
وأضافت: “وممكن أبعت للشخص برايفت أقوله ليه كتبت كده، ويقولولي أصل كنا عايزينك تردي علينا. ”
اقرأ ايضا:
