رافض يتحدث معها ويرفض تصرفاتها.. هذا هو الحديث الذي قيل عن خناقة عمود دياب مع ابنته جنا والتي بدأت من يوم عيد ميلادها الذي رفض أن يحضره أو حتى يكلمها ولا يهنئها بسنة جديدة في عمرها.
الهضبة عمرو دياب مش عاجبه اللي بتعمله بنته جنا بسبب تصرفاتها اللي شايف أنها اللي عدت الحدود بمراحل وبالذات في عيد ميلادها اللي احتفلت بيه وسط صحابها الأجانب.. وفي الفيديو ده هقولكم تفاصيل خناقة عمرو دياب مع بنته جنا وليه رافض اللي بتعمله مع الأجانب؟ وإيه علاقة زينة عاشور باللي حصل؟.. يلا بينا.
مين يصدق إن عمرو دياب يسيب بناته كده يعلموا اللي هما عاوزينه من غير حسيب ولا رقيب والناس بتسأل آخرتها إيه.. موقف الهضبة مش مفهوم بصراحة سايب البنات يعملوا اللي على كيفهم وبالذات جنا اللي تصرفاتها عدت الحدود زي ما بيقول الجمهور .. لكن إيه اللي وصل جنا عمرو دياب للي هي فيه ده وإيه حكاية خناقتها مع أبوها وليه مش بيكلموا بعض.
عندها ميول
جنا عمرو دياب سابت مصر كلها وهي بنت 10 سنين وراحت عاشت في لندن والقرار مكانش يخصها لوحدها دي أمها زينة عاشور هي اللي خدت القرار ده.. راحت البنت تدرس وتعيش حياتها ومع الوقت كبرت لحد ما عرفت إن عندها ميول بس فنية مش قصدنا حاجة تانية بدأت تغني أجنبي وتنشر أغانيها على قناتها في يوتيوب ولقت تفاعل معاها وكمان بدأت تشتغل على موقع خاص بالأزياء عشان تعرض مقتنياتها عليه.
وأهي عايشة حياتها رغم إن في صعوبات قابلتها زي إنها اتصابت بمتلازمة فرط الحركة ومكانتش عارفة تذاكر وعلطول قاعدة قدام التلفزيون لحد ما تنام وده خلى مستواها في الدراسة يتراجع لحد ما بدأت تتعافى مع الوقت.. لكن التصرفات اللي بقت بتعملها هي اللي غريبة.
تصرفات غير لائقة
جنا عمرو دياب عايشة في أوروبا وطبيعي تتأثر بثقافتهم هناك لكن الجمهور خلاص فاض بيه الكيل والموضوع زاد عن حده وبيقولوا فين عمرو دياب من اللي بيحصل ولازم يتدخل عشان كده كتير.. يعني شوية تبقى في حضن واحد صاحبها وشوية يركب وراها وينزلوا البحر وشوية تبوسه ميمنعش ده غير بقى ملابسها الجريئة جداً واللي وصلت إنها تنزل صورها وفيديوهات ليها بالمايوه وهي مع صحابها الشباب وكانه دائما تثير الجدل.
لغاية لما صحابها قرروا يحتفلوا بعيد ميلادها الـ22 على طريقتهم جابولها تورتاية والرقم عليها والشمع اشتغل ومعاه الأغنية وكلنا عارفين طريقة الاحتفال العادية بتاعتنا دي ونطفي الشمع ونعلي الصوت ونسقف طيب ما هي بتعمل زينا أهي لااااا استنوا بس دي حاجة واللي بتعمله غير كده حاجة تانية خالص.. لكن السؤال اللي بيطرح نفسه ليه عمرو دياب مكتبش حتى كلمتين لبنته يهنيها بعيد ميلادها ولا حتى يعملها هو عيد الميلاد ويفرحها.. وهنا بقى السر.
خناقة بين الأب وبنته
اللي اتقال إن عمرو دياب مبيكلمش جنا بنته ولا هي كمان بتكلمه وهو بنسبة كبيرة بعيد عن بناته واللي قريب ليه أكتر عبدالله وكنزي وبالأخص عبدالله.. وكل ده حصل بعد ما في تصريحات انتشرت إن عمرو دياب مش راضي عن التصرفات الجريئة اللي بنته بتعملها خالص وده حسب ما قالمقربينرلبعض المواقع الصحفية وده اللي عرفته جنا ومن وقتها لا سلام ولا كلام وأصلا هو مش فاضيلها لكن الأب لو على كيفه يفضي نفسه هيقوم بدوره لكن عياله مختاروش يكونوا على علاقة كويسة بيه وعشان بردوا نبقى واضحين العلاقة سطحية خالص والسر عند زينة عاشور طليقة عمرو دياب وأم ولاده.
ليه السر عند زينة عاشور
المفروض إن الأم بتكون واخدة بالها من علاقة الأب بعياله بس زينة عاشور معملتش كده وخدت عيالها وهما لسه 10 سنين وطلعت على بلاد بره عشان يدرسوا وعشان كده اتعلموا الثقافة الأوروبية والسر عندها عشان هي مقالتش في التزام بعادات وتقاليد عربية لازم الولاد يطلعوا عليها عشان مسيرهم يرجعوا بلدهم مثلاً لكن هي شايفة اللي بتعمله جنا عادي وإن دي الثقافة هناك ومش مستغربة اللي بنتها بتعمله عادي.. مشوها بقى يا جدعان واتعودوا.
وفي نهاية الفيديو اكتبولنا في التعليقات إزاي شايفين تصرفات جنا عمرو دياب وممكن يجي يوم وتتغير ولا هتكمل في اللي بتعمله؟
