الفنان محمد رمضان لم يكتفي إنه يظهر مع البنات في اليونان من فترة، لكن قال هذه المرة يأخذصاحبه محمد صلاح لاعب ليفربول ومنتخب مصر محمد صلاح.
طيب إزاي نمبر وان بوّظ محمد صلاح وظهروا مع بعض في اليونان؟ وإزاي أبو مكة ظهر وسط البنات؟ وإيه حكاية صداقته مع محمد رمضان؟.. إحنا عملنالكم التقرير ده عشان تشوفوا محمد صلاح وهو في سهرة وسط البنات في البحر وحكاية الصور اللي جمعته مع محمد رمضان.
طبيعي كل نجم مشهور سواء فنان أو لعيب كورة ياخد هدنة كده من كل حاجة ويطلعله يومين تلاتة يستجم ويغير جو.. لكن مع أبو مكة الموضوع غير تخيلوا الناس بتقول إن محمد رمضان بوّظه أصله كان طالع عريان زي ما محمد رمضان بيطلع على المسرح وكان في سهرة في وسط البنات يعني مش شاطئ للرجالة بس كمان.. ويمكن ناس كتير متعرفش إن هما الاتنين أصدقاء ودايمًا بيتكلموا وهتعرفوا كواليس الحكاية دي كمان لكن الغريبة إن كل دي يطلع منك انت يا أبو مكة!؟.
ضريبة الشهرة
طبعًا ضريبة الشهرة لازم تتدفع أصل مفيش واحد هيبقى مشهور كده والناس تسيبه في حاله.. وده الل بيحصل مع نجوم كتير جدًا.. ده انت لو هتروح مكان خاص بتاعك لوحدك واتسربت صورة واحدة بس بردوا الدنيا هتقوم ومش هتقعد.. وفي نجوم كتير متقبلين الكلام ده ومتعايشين مع الشهرة وفي مشاهير على أد ما يقدروا قافلين على نفسهم شويتين ومحدش بيعرف لا راحوا فين ولا بيعملوا إيه؟.. لكن لما صور تطلع لمحمد رمضان مع محمد صلاح لازم يكون في كلام وكلام كتير كمان.
صور محمد رمضان ومحمد صلاح
اللي الناس تعرفه إن محمد رمضان نشر صورتين ليه مع محمد صلاح على حسابه في إنستجرام وهما على شاطئ بره مصر ومقالوش فين وناس كتير متعرفش هما فين.. ونمبر وان قال للعالمي حبيبي يا مو.. وهوب رزعه منشن في الصور والناس عماله تتفاعل وتعلق وتشير الصور ويمكن محدش عارف الكواليس ولا التفاصيل وهما فين دلوقتي او بيعملوا إيه.
الجزيرة الأشهر
محمد صلاح قضى الموسم ده مع ليفربول وقال ياخد يومين إجازة وشكله كده ساب أم مكة في البيت مع العيال وقالك أما آخد راحتي شوية لوحدي بقى طلع هو وصحابه على جزيرة ميكونوس في اليونان أصل كان واضح إنه مع الصحاب بس وكانوا جوه شاطئ مختلط موجود فيه الشباب والبنات مع بعض عادي.. وكان صلاح لابس سلسلة وضارب المايوه والشمس بتخبط فيه وهو في البحر بياخد غُطس لحد ما خرجوا سوا وتشوف الشاطئ تلاقي بنات بتستعد تنزل المية وبنات تانية قاعدة بتستجم والدنيا مليطة ع الاخر.
حكاية الصداقة
محمد رمضان هو اللي اعترف إنه صديق لمحمد صلاح وقال أنا مش بس مصاحبه هو وبس أنا ليا أصدقاء في كل المجالات يعني عارف تاجر حديد كبير والمهندس نجيب ساويرس مقاول كبير وغيرهم.. ومن ضمن الأصدقاء محمد صلاح وكمان هما أصدقاء جداً ويمكن الناس متعرفش ده لكن هما على تواصل مع بعض علطول ورمضان بيشوف محمد صلاح مُلهم لشباب كتير جداً وبيقولهم مايترددوش في قراراتهم ويركزوا في مستقبلهم وبيعتبره مش مثال كبير للشباب المصري بس لأ ده العربي كمان.
